İNTERNET

Tarix:25/08/14

Hindistanda onlayn ödənişlərin yerli banklar üzərindən həyata keçirilməsi məcburi olacaq

Hindistanın rezerv bankı bəyan edib ki, bank kartları vasitəsilə aparılan bütün onlayn tranzaksiyalar yerli banklar üzərindən milli valyuta vasitəsilə həyata keçirilməlidir.

“ICTnews” xəbər xidmətinin “www.therunet.com” saytına istinadən verdiyi məlumata əsasən, yeni qayda oktyabrın 31-dən etibarən qüvvəyə minir.

Bu tədbir “Google Play”, “Amazon” və “Uber” kimi xarici internet-şirkətlərin fəaliyyətinə neqativ təsir göstərə bilər.
Hazırda Hindistan istifadəçiləri bütün tranzaksiyaları beynəlxalq ödəniş şlüzləri üzərindən həyata keçirir. Eyni zamanda, yeni qayda Hindistan ödəniş sistemlərinə və banklarına əlavə gəlir gətirə bilər.

Hindistan Amerikanın “Uber”, “Amazon” və “Google” şirkətləri üçün vacib bazardı. “Uber” üçün bu, ABŞ xaricində ən iri bazardır.
“Amazon” Hindistanda fəaliyyətini genişləndirməyə 2 milyard dollar sərmayə qoymaq niyyətindədir. Bu ölkə eyni zamanda “Amazon”un kopterlər vasitəsilə məhsulların təchizatını təşkil edən ilk ölkə ola bilər. “Uber” və “Amazon”un Hindistan rəqibləri var - bu, “Olacabs” taksi sifarişi servisi və “Flipcart” internet-hipermarketidir.

Aynur Vəliyeva

Baxış sayı: 845