İNTERNET

Tarix:27/08/14

“Android” platformasında “Opera” brauzerinin istifadəçilərinin sayı 100 milyon nəfərə çatıb

“Opera Software” şirkəti “Opera” brauzeri vasitəsilə internetə daxil olan aktiv “Android” mobil əməliyyat sisteminin idarəetməsi ilə işləyən qurğu istifadəçilərinin sayının ötən il 2 dəfə artaraq 100 milyona çatmasını bəyan edib.

“Opera”ya üstünlük verən ən çox “Android” qurğu istifadəçiləri Hindistan, Çin, İndoneziya, Rusiya və Meksika sakinləridir.

“Biz daima sürətli, təhlükəsiz və idarəetməsi sadə brauzerlər üzərində çalışırıq və mən çox şadam ki, bu gün dünyada 100 milyon smartfon istifadəçisi “Opera”nı seçir. Biz insanların informasiyaya daimi çıxışı olan dünya yaratmaq istəyirik və bu məqsədə çatmaqda mobil internetin rolu çox əhəmiyyətlidir”, - “Opera Software”in baş direktoru Lars Boylesen bildirib.

“Opera”nın “Android” platformasında ən populyar əlavəsi “Opera Mini” brauzeridir. Sonrakı yerləri “Android” üçün “Opera” brauzeri və “Opera Max” əlavəsi tutur.

“Opera Mini” brauzeri internet səhifələrini əvvəlki ölçülərinə nisbətdə 10 faizədək sıxaraq kontentin yüklənmə sürətini artırır və mobil internet xərclərini azaldır. Trafikin kompressiya texnologiyası sürəti zəif şəbəkələrdə olan zaman xüsusilə effektivdir, - "CNews www.cnews.ru” yazır.

Baxış sayı: 589