12px13px15px17px
Tarix:29/08/14

“MilliÖN” şəbəkəsində artıq kinoya bilet almaq olar

“Komtec” şirkəti “MilliÖN” ödəmə köşklərində artıq Bakı kinoteatrlarından birinə bilet almaq imkanı təqdim edir.

Şirkətdən “ICTnews” xəbər xidmətinə verilən məlumata əsasən, hazırda “MilliÖN” ödəmə köşklərində 100-dək müəssisə və təşkilatın ödənişləri qəbul edilir.

“MilliÖN”ün ən son təqdim etdiyi ödəniş xidməti “28 cinema” kinoteatrına bilet almaq imkanını nəzərdə tutur. Belə ki, kino həvəskarları artıq öncədən kinoafişada seçdikləri filmə biletin pulunu “MilliÖN” ödəniş terminalları vasitəsi ilə ödəyə bilər və film başlamadan bir neçə dəqiqə qabaq onu kinoteatrın kassasından əldə edərək kinozala keçə bilər. Bundan başqa, “28 cinema” kinoteatrının rəsmi internet səhifəsində də bu xidmətdən istifadə etmək mümkündür, lakin burada artıq ödəniş plastik bank kartları vasitəsi ilə aparılır.
 
Qeyd edək ki, hazırda Azərbaycanda fəaliyyət göstərən 20-dək bank və qeyri-bank kredit təşkilatının xidmət ödənişləri “MilliÖN” ödəmə köşklərində qəbul edilir.
 

“MilliÖN” vasitəsilə vətəndaşlar mobil və sabit telefon şəbəkəsi üzrə, kommunal ödənişlər, internet və kabel TV və bank xidmətlərinin ödənişlərini ödəyə bilərlər.

Ödəniş köşkləri ticarət və biznes mərkəzlərində, metro stansiyalarında, supermarketlərdə, banklarda, hava limanlarında, Bakı şəhərinin dəmiryol stansiyalarında və digər Azərbaycan şəhərlərində yerləşir.


Aynur Vəliyeva
 



Baxış sayı: 927

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024