İKT

Tarix:30/08/14

Ekvador dünyada ilk dəfə elektron valyuta yaradır

"Associated Press" agentliyi yazır ki, Ekvador dünyada birinci dövlət elektron valyutası yaratmağı planlaşdırır.

"ICTnews" elektron xəbər xidməti "gazeta.ru" saytına istinadən bildirir ki, ekspertlərin fikrincə, bu, dollardan milli məzənnə kimi imtina edilməsi yolunda atılacaq ilk addım ola bilər.

Planlaşdırılan virtual valyuta hələ ki adsızdır, pul vahidinin buraxılması dekabrda nəzərdə tutulub. Ekvador məmurları deyiblər ki, valyuta bitkoinə oxşamayacaq. Elektron valyutanın həcmi əhali arasındakı tələbatdan asılı olacaq.

Yeni pul vahidi dollarla tandem şəkildə mövcud olacaq və Latın Amerikası ölkəsinin ənənəvi bank xidmətlərindən istifadə edə bilməyən əhalisinə hesablanıb. Beləliklə, ekvadorlular mobil telefonların vasitəsilə virtual valyutanın köməyi ilə hesablaşacaqlar.

Emil Hüseynov

Baxış sayı: 816