Tarix:10/09/14

İnternetdə “Gmail”in 5 milyon parolu yerləşdirilib

Bu həftə "Yandeks" və “Mail.ru” poçt qutularının milyonlarla paroldan ibarət bazalarının açıq girişdə dərc edilməsi xəbərindən sonra, “Google”un poçt xidməti hədəfə çevrilib.
 
“CNews” portalı yazıb ki, “Gmail” poçt qutusunun 4,93 milyon ünvan və paroldan ibarət məlumat bazası internetdə dərc edilib.
 
“ICTnews" elektron xəbər xidməti “hitech.newsru.com” saytına istinadən bildirir ki, “Bitcoin Security” forumunun istifadəçisi bildirib ki, dərc edilmiş faylda loqin-parol cütlüyünün 60%-dən çoxu işləkdir.
 
Bildirilib ki, həmin faylda “Google”un poçt xidmətinin həm rusdilli, həm ingilis, həm də ispandilli istifadəçilərinin loqinləri var.
 
“Google”un nümayəndələri hələ ki bu məsələ ilə bağlı heç bir şərh verməyiblər.
 
Emil Hüseynov

Baxış sayı: 1005

© İstifadə edilərkən İctnews-a istinad olunmalıdır