12px13px15px17px
Tarix:02/10/14

Azərbaycanın bölgələrində də elektron imza əldə edənlərin sayı sürətlə artır

Ölkəmizdə indiyədək istifadəyə verilən elektron imza sertifikatlarının sayı 24 mini ötüb.
 
Rabitə və Yüksək Texnologiyalar Nazirliyinin (RYTN) Məlumat Hesablama Mərkəzindən (MHM) verilən məlumata görə, cari ilin sentyabr ayına olan statistikaya əsasən, bu günə qədər dövlət qurumlarına 15310 e-imza sertifikatı, fiziki şəxslərə 5493 e-imza sertifikatı, hüquqi şəxslərə isə 3583 e-imza sertifikatı hazırlanaraq təhvil verilib.
 
Ümumilikdə 24386  e-imza sertifikatı təhvil verilib və sentyabr ayı ərzində verilən sertifikatların sayı avqust ayı ilə müqayisədə təxminən 1600 ədəd çoxdur.
 
Qeyd edək ki, paytaxtdan kənar regionlarda da e-imza kartından istifadə xeyli artıb. Ayrı-ayrı dövlət qurumları tərəfindən təşkil olunmuş maarifləndirici seminarların bu sahədə müsbət rolu danılmazdır. Bu seminarların başlıca məqsədi vətəndaşlara elektron xidmətlər, eləcə də, elektron imza kartı barədə məlumat vermək və onlara istifadə bacarığını aşılamaqdır.
 
CAHANGİR



Baxış sayı: 1699

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024