12px13px15px17px
Tarix:14/10/14

İsveçrə 2016-cı ildən elektron sənəd dövriyyəsinə keçəcək

İsveçrə Federal Şurası 1 yanvar 2016-cı il tarixindən federal administrasiyaya mal və xidmətlər tədarük edən bütün təşkilatların hesabları elektron formada təqdim etməsi barədə qərar çıxarıb. Bu qayda dəyəri 5 min İsveçrə frankını ötən bütün tədarüklərə şamil edilir.
 
Ölkənin federal administrasiyaları 2012-ci ildən hesab fakturaları elektron şəkildə qəbul edir. Lakin hazırda fakturaların yalnız 14 faizi elektron formatda daxil olur.
 
İsveçrə hökumətinin hər il aldığı 70 min fakturanın əksəriyyəti indiyədək əllə doldurulduqdan sonra skan edilir və elektron poçtla göndərilir.
 
Yerli hökumət layihənin həyata keçirilməsi mərhələsində tədarükçülərə dəstək verəcək.
 
Qanun sayəsində İsveçrə Avropanın hesab fakturalarla aparılan əməliyyatlar üçün elektron sistem tətbiq edən və ya bu dəyişiklik prosesində olan bir sıra dövlətləri sırasına qoşulur. Avropa İttifaqının icraedici orqanı - Avropa Komissiyası bütün üzv ölkələrin 2020-ci ilədək dövlət alışları sahəsində hesabları elektron formada təqdim etməsinə dair qərar çıxarıb. Belçika artıq elektron hesabların tətbiqinə başlayıb, - “IT Expert ” yazır.



Baxış sayı: 915

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024