12px13px15px17px
Tarix:17/10/14

“Gənc Novatorlar” müsabiqəsinin “İnternet of things” adlı 4-cü çağırışına start verilib

BMT-nin informasiya-kommunikasiya texnologiyaları üzrə ixtisaslaşmış təşkilatı olan Beynəlxalq Telekommunikasiya İttifaqı tərəfindən "Gənc Novatorlar" müsabiqəsi həyata keçirilir. 
 
2010-cu ildən etibarən hər il keçirilən bu müsabiqə gənclərə sahibkarlıq sahəsində bacarıqlarının inkişaf etdirilməsi üçün xüsusi seminarlarda iştirak etmək, İKT sahəsinin aparıcı şəxsləri ilə görüşmək və əlaqə yaratmaq, eyni zamanda öz layihələrini "ITU Telecom" çərçivəsində keçirilən sərgi pavilyonunda nümayiş etdirmək imkanı yaradır.
 
 Müsabiqədə yaşı 18-dən 30-dək olan gənclər iştirak edə bilərlər. Artıq müsabiqənin "İnternet of things" adlı 4-cü çağırışına start verilib. Müsabiqədə iştirak ilə bağlı qeydiyyat 3 noyabr 2014-cü il tarixdə bitəcək. Müsabiqə çərçivəsində qoyulan problem və mövzulara uyğun ən maraqlı ideya və konsepsiya müəllifləri qalib seçiləcək.
 
Gənclərimizin bu müsabiqədə fəallığının artırılmasını vacib sayan Azərbaycan Gənclər və İdman Nazirliyindən qeyd edilib ki, qalib seçilən müəlliflər cari ilin dekabr ayında Doha şəhərinə dəvət olunaraq öz innovativ ideyalarını nümayiş etdirmək, eyni zamanda müvafiq mövzu üzrə keçiriləcək təlim və seminarlarda iştirak etmək imkanı əldə edəcəklər.
 
Qeyd edək ki, müsabiqənin qaliblərini 5000 ABŞ dolları məbləğində mükafat gözləyir. Müsabiqədə iştirak etmək istəyən gənclər "https://ideas.itu.int" saytında müsabiqənin şərtləri ilə tanış ola və qeydiyyatdan keçə bilərlər.
 
 
Həqiqət İSABALAYEVA



Baxış sayı: 772

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024