12px13px15px17px
Tarix:22/10/14

Azərbaycan Əmək və Əhalinin Sosial Müdafiəsi Nazirliyi sosial xidmətlərin göstərilməsində mobil texnologiyaların əhəmiyyətini vurğulayıb

Bu gün keçirilən "Sosial müdafiə sahəsində elektron xidmətlər: kəşfiyyat və miqyasın genişləndirilməsi mövzusunda BSTA Avropa Şəbəkəsinin Texniki Seminarı çərçivəsində əmək və əhalinin sosial müdafiəsi naziri Səlim Müslümov mobil texnologiyaların sosial xidmətlərin göstərilməsində vacib rol oynadığını bildirib.
 

“ICTnews” xəbər xidmətinin məlumatına əsasən, S. Müslümov artıq pensiyaların verilməsi üçün xüsusi bankomatların poçt rabitəsi şöbələrində quraşdırılmasının planlaşdırıldığını qeyd edib.
 
“Vətəndaşlar pensiyalarını əvvəlki kimi bankların da təqdim etdiyi bankomatlar vasitəsilə də ala biləcəklər, lakin onlarla yanaşı, xüsusi bankomatlar da tətbiq ediləcək. Bu gün ölkədə təxminən 1,28 mln. vətəndaş orta hesabla 300 dollar məbləğində pensiya, 491 min nəfər ünvanlı sosial yardım, 321 min vətəndaş müxtəlif dövlət sosial yardımları alırlar. Bunu nəzərə alaraq informasiya-kommunikasiya texnologiyalarının tətbiqi çox mühüm rol oynayır. Azərbaycanda mobil rabitənin nüfuz səviyyəsi 110% təşkil edir. Ölkədə əhalinin 70%-dən çoxu internet xidmətləri ilə əhatə olunub. Bu, vətəndaşların sosial xidmətlərə çıxışını asanlaşdırır”,- deyə S. Müslümov bildirib.
 
 
Aynur Vəliyeva
 
 



Baxış sayı: 614

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 May 2020

28 05 2020