İKT

Tarix:05/11/14

Birinci qrant müsabiqəsində qalib gələn layihələrin ilk monitorinqi keçirilib

İnformasiya Texnologiyalarının İnkişafı Dövlət Fondu birinci qrant müsabiqəsində qalib gələn layihələrinin ilk monitorinqini keçirib.

Fondun direktor müavini Azər Bayramovun "ICTnews" xəbər xidmətinə verdiyi məlumata əsasən, birinci qrant müsabiqəsinin ilkin mərhələsində maliyyələşən 16 layihənin monitorinqi oktyabr ayında başa çatıb.

"Bəzi layihələrin maliyyə hesabatları düzgün hazırlanmasına baxmayaraq, edilən kiçik nöqsanlar aradan qaldırılıb və onlar ikinci maliyyələşmə mərhələsinə keçiblər. Ümumilikdə monitorinqin nəticələrini qənaətbəxş hesab etmək olar, layihələr fonda təqdim edilən icra planına uyğun şəkildə həyata keçirilir", - deyə o qeyd edib.

A.Bayramov onu da bildirib ki, bu günədək qrant müsabiqəsində qalib gələn layihələrin maliyyələşməsinə 560 min manat ayrılıb, bu məbləğin 219 min 500 manatı artıq layihə müəlliflərinə verilib.

Aynur Vəliyeva

Baxış sayı: 800