12px13px15px17px
Tarix:11/11/14

RYTN-də uşaqların internetdə təhlükəsizliyi müzakirə olundu

Azərbaycan Rabitə və Yüksək Texnologiyalar Nazirliyində  (RYTN) bu gün "Uşaqların internet təhlükəsizliyi" mövzusunda "dəyirmi masa" ətrafında müzakirələr keçirilib.

"ICTnews" xəbər xidmətinin məlumatına əsasən, tədbirdə nazirliyin hüquq və insan resursları şöbəsinin müdiri Bəxtiyar Məmmədov bildirib ki, ölkəmiz Azərbaycan İnsan Hüquqları Müvəkkili Elmira Süleymanovanın tövsiyələrinə uyğun olaraq BMT-nin "Uşaq hüquqları" Konvensiyasının qəbul olunmasının 25 illiyinə həsr olunmuş "Hər bir uşağın qayğısına qalaq!" aylığına qoşulub.

Oktyabrın 20-dən noyabrın 20-dək davam edəcək bu aylıq çərçivəsində ölkədə uşaqların hüquqlarının, o cümlədən internetdə, kiberməkanda təhlükəsizliyin qorunması, 15 yaşınadək uşaqların işə cəlb edilməsi ilə bağlı mövzularda bir sıra tədbirlərin keçirilməsi nəzərdə tutulub.
 
"Hazırda bizim cəmiyyətdə internetin inkişafı ilə bərabər, müxtəlif təbəqələrdən olan  insanların virtual məkanda  aktivliyi də artır. Bu gün virtual aləmin sakinləri bilikləri ilə yanaşı, əməl və mədəniyyətlərini  də nümayiş etdirmək üçün platforma kimi internetdən istifadə edir. Real həyatda olduğu kimi, virtual məkanda da  müxtəlif  tip və xarakterli insanlar  mövcuddur. Təbii ki, internetdə də adi həyatda olduğu kimi, davranış və hərəkətləri ilə ətrafdakılara mənfi təsir edən insanlar var. Bizim məqsədimiz uşaqların kiberməkanda təhlükəsizliyini təmin etməkdir", - deyə B. Məmmədov bildirib.

Nazirliyin informasiya cəmiyyətinin inkişafı şöbəsinin baş məsləhətçisi Kamal Məmmədov öz növbəsində, uşaqların internetdə təhlükəsizliyinin təmin edilməsi məqsədi ilə Azərbaycanın təhsil müəssisiələrində filtrasiya sisteminin tətbiq edildiyini, bir neçə internet provayderin isə uşaqlar üçün təhlükəsiz internet xidməti paketini təqdim etdiyini qeyd edib.

"Bundan başqa internet-klublarda uşaqların internetə daxil olması ilə bağlı yaş limiti mövcuddur ki, bu da onların dərsdən yayınıb internet-klublarda vaxt keçirmələrinin qarşısını almaq üçün görülən tədbirlərdən biridir. Əsas məsələ isə valideyn nəzarətidir, valideynlər uşaqlara internetdən istifadə üçün müəyyən vaxt verməlidirlər, əks halda onlarda asılılıq, psixoloji problemlər yarana bilər", - deyə o qeyd edib.
 
Tədbirdə nazirliyin bütün müəssisə və birliklərinin nümayəndələri iştirak edərək məsələ ilə  bağlı öz fikirlərini və tövsiyələrini bildiriblər.
 
Aynur Vəliyeva



Baxış sayı: 544

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Fevral 2020

24/02/20
Robot ilk dəfə mikrocərrahiyyə əməliyyatı keçirib

Niderlandlı alimlər tərəfindən təqdim edilmiş robot ilk dəfə uğurlu mikrocərrahiyyə əməliyyatı keçirib

24/02/20
Ştutqart Aeroportunda ekzoskeletlər yükdaşıyanlara kömək edəcək (VİDEO)

Almaniyanın Ştutqart Aeroportunda xüsusi ekzoskeletlər yükdaşıyanların istifadəsinə verilib.

24/02/20
Avropa İttifaqında süni intellekt sahəsinin tənzimlənməsi üzrə plan hazırlanıb

Avropa Komissiyası süni intellekt sənayesi üçün tənzimləyici norma və tələblərin yaradılması üzrə plan tə

24/02/20
Ən sürətli internet hansı ölkədədir?

“WebsiteToolTester” şirkəti hesabat dərc edərək ən sürətli internetin olduğu dünya ölkələrinin siyahısını

23 02 2020