İNTERNET

Tarix:19/11/14

Orta statistik ABŞ ailəsi 5 internet qurğusuna malikdir

“Ericsson” şirkətinin məlumatına görə, ABŞ-da ev təsərrüfatlarının 90 faizi üç və ya daha çox internetə çıxışı olan qurğuya malikdir.

Həmçinin ailələrin təxminən yarısında beş və ya daha çox, dörddə bir hissəsində yeddi və daha çox belə qurğu var. ABŞ ailələrində internet qurğularının orta sayı hazırda 5,2 təşkil edir və bu rəqəm durmadan artır.

Bu qurğuların əksəriyyəti mobil qurğulardır və ailələrdə adətən bir neçə fərdi kompüterdən istifadə olunmur.

ABŞ-da həmçinin “LTE” dördüncü nəsil mobil rabitə şəbəkəsi sürətlə inkişaf edir. 2013-cü ildə operatorların bütün abunəçilərinin 25 faizindən çoxu bu protokoldan istifadə edib. Cari ilin yekunları üzrə bu rəqəmin 40 faizədək artacağı proqnozlaşdırılır.

“Ericsson” tədqiqat zamanı ABŞ-da, eləcə də dünyada daha bir neçə maraqlı fakt aşkar edib. Bunlar aşağıdakılardır:

ABŞ ailələrinin 97 faizi mobil telefon sahibidir
2013-cü ildə dünyada 1,9 milyard smartfon istifadəçisi olub, cari ildə bu rəqəmin 2,7 milyardadək, 2020-ci ilədək 6,1 milyardadək artacağı gözlənilir
2020-ci ildə artıq dünyada 3,5 milyard nəfər “LTE” şəbəkəsindən istifadə edəcək
2020-ci ilədək 6 yaşdan yuxarı insanların 90 faizi mobil telefona malik olacaq
Video hələ də mobil şəbəkələrdə liderdir. “4G” şəbəkəsinin yaxşı nüfuz etdiyi yerlərdə ümumi mobil trafikin təxminən yarısı videonun payına düşür, - “Telekomza” yazır.

Baxış sayı: 651