12px13px15px17px
Tarix:20/11/14

“Intel” “Avropol” ilə kibercinayətkarlıqla mübarizə üçün əməkdaşlıq edəcək

2010-cu ildən “Intel” korporasiyasına məxsus olan “McAfee” şirkəti Avropanın hüquq-mühafizə orqanları ilə kibercinayətkarlıqla mübarizə çərçivəsində əməkdaşlığı gücləndirəcək saziş imzalayıb.

Bu barədə “Business Wire” nəşri məlumat verib. “Intel” nümayəndələri bildiriblər ki, “McAfee” və “Avropol” yanında Kibercinayətkarlıqla Mübarizə Mərkəzi (EC3 – European Cybercrime Centre) arasında imzalanan memorandum sayəsində tərəflər texniki informasiya və kiberməkanda baş verən cinayətlərlə bağlı məlumat mübadiləsi edə biləcəklər.
 
“EC3” ötən il onlayn fırıldaqçılıq, pedofiliya və İT sistemlərinə hücumlarla mübarizə üçün Avropa İttifaqının (Aİ) əsas infrastrukturunu istifadəyə verib. “EC3” rəhbəri Troels Ertinqin sözlərinə görə, “Intel” əvvəllər də təşkilatla əməkdaşlıq edib.
 
Kompüter təhlükəsizliyinin təmini üzrə şirkətlər hüquq-mühafizə orqanları ilə qeyri-formal məlumat mübadiləsi çərçivəsində uğurla əməkdaşlıq edirlər. Sahə üzrə ekspertlər tez-tez kibercinayətkar şirkətlər və onlayn cinayətkarların fəaliyyəti ilə bağlı müxtəlif məlumatları qanun keşikçilərinə ötürürlər.
 
Cinayətkarların saxlanılması yalnız polis tərəfindən həyata keçirilir, lakin cinayətkarın kibercinayəti xaricdə törədə bilməsi ilə əlaqədar olaraq həbs proseduru xeyli çətinləşir. Bəzən cinayətkarın hüquq-mühafizə orqanlarına təhvil verilməsinə bürokratik əngəllər mane olur. Əməkdaşlığın sadələşdirilməsi və cinayətkarların həbs olunması üçün maneələrin aradan qaldırılması məqsədilə 30-dan çox dövlət tərəfindən Avropa Şurasının “Kibercinayətkarlıq haqqında” Konvensiyası ratifikasiya edilib. Bu, hüquq-mühafizə orqanlarının kiberməkanda baş verən cinayətlər sahəsində fəaliyyətini tənzimləyən yeganə beynəlxalq sənəddir.
 
Məlumat üçün bildirək ki, Avropa Kibercinayətkarlıqla Mübarizə Mərkəzinin vəzifəsi mütəşəkkil cinayətkar şəbəkələrin fəaliyyətinin qarşısının alınmasından ibarətdir. Hazırda təşkilatın fəaliyyəti internetdə üç cinayət növünün qarşısının alınması ilə məhdudlaşdırılıb. Bunlar onlayn mütəşəkkil fırıldaqçılıq, uşaq pornoqrafiyasının yayılması və əsas infrastruktur və informasiya sistemlərinə kiberhücumların qarşısının alınması ilə mübarizədir , - "SecurityLab” yazır.



Baxış sayı: 480

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 İyul 2019

15 07 2019

15/07/19
“Microsoft” qeyri-aktiv hesabları ləğv edəcək

“Microsoft” korporasiyası qeyri-aktiv hesabları ləğv etməyə başlayacaq. Bu barədə ABŞ korporasiyasının rəsmi saytında deyilir.

15/07/19
Fərdi kompüterlərin qlobal tədarükü 5 faiz artıb

Cari ilin ikinci rübündə dünyada ənənəvi fərdi kompüterlərin tədarük həcmi 4,7 faiz artaraq 64,9 milyon ədədə çat

15/07/19
“Microsoft Word” proqramının “Android” üçün tətbiqi 1 milyard dəfə quraşdırılıb

“Microsoft” korporasiyası bu yaxınlarda öz mobil proqramlarının irəliləyişində 

15/07/19
Gəncədə məcburi köçkünlər üçün salınmış qəsəbə telefonlaşdırıldı

Nəqliyyat, Rabitə və Yüksək Texnologiyalar Nazirliyinin “Aztelekom” Məhdud Məsuliyyətli Cəmiyyəti 

15/07/19
“WhatsApp” göndərilmiş şəkli redaktə edəcək

“WhatsApp” messencerinin istifadəçiləri göndərilmiş şəkilləri redaktə edə biləcəklər

15/07/19
“Xiaomi” şirkəti Avropada yeni elmi tədqiqat mərkəzi açır

Çinin “Xiaomi” şirkəti Avropa ərazisində yeni elmi tədqiqat və təcrübi-konstruktor mərkəzi yaradacaq

15/07/19
İlk kompüter parolunun ixtiraçısı vəfat edib

Kompüter üçün ilk məşhur parolun ixtiraçısı hesab edilən Fernando Korbato 93 yaşında dünyasını dəyişib

15/07/19
“Google” istifadəçilərin səsli komandalarına qulaq asıldığını etiraf edib

“Google” korporasiyasının mütəxəssisləri istifadəçilər tərəfindən mobil qurğularda səsli köməkçiyə verilən komanda