12px13px15px17px
Tarix:26/11/14

2014-cü ilin ən yaxşı ixtiraları bəlli olub

2014-cü ilin sonuna yaxın nüfuzlu "Time" jurnalı son 12 ayda dünyaya təqdim edilmiş ən vacib innovativ məhsulların siyahısını dərc edib. Bu siyahı yeni icad edilmiş texnoloji cihazların qiymətləndirilməsi nöqteyi-nəzərindən maraqlı olub.

Reytinq cədvəlində   "Apple Watch", təhlükəsiz "Blackphone", həmçinin "selfi" üçün ştativ və "Microsoft Surface Pro 3" planşeti ən üst sıralarda qərarlaşıb.

 
"Apple Watch"
 





 


Cari ilin sentyabrında təqdim edilmiş, amma hələ satışa çıxarılmayan "ağıllı" saat "Top-25"-likdə altıncı və cihazlar arasında birinci pillədə qərarlaşıb. Nəşrin səhifəsində bu cihazın təsvirində yazılıb ki, "Apple Watch" yalnız "ağıllı" saat deyil, həm də  kiçik portativ kompüterdir.

"Bu saat özündə sensor ekranı və fiziki düymələri birləşdirir. Qurğu mesaj göndərə, göstərişlər verə, insan orqanizminin göstəricilərini izləyə və kontaktsız ödənişlər edə bilər" – nüfuzlu nəşrin jurnalistləri əmin ediblər və bildiriblər ki, "Apple Watch"ın buraxılışı ilə daşınan cihazlar bazarı yüksək inkişaf mərhələsinə qədəm qoyacaq.
 
"Blackphone"


 




İspaniyanın "Geeksphone" startapı və "Silent Circle" şifrlənmiş rabitə firması tərəfindən hazırlanmış "Blackphone" dünyanın ilk təhlükəsiz smartfonu kimi təqdim edilib. Aparat telefon zənglərini, elektron məktubları, internet səhifələrini, baxılan mətnləri şifrləyə bilir. Qurğu həmçinin istənilən GSM daşıyıcı ilə işləyir.
 
"Microsoft Surface Pro 3"

 






Bu planşet noutbukları əvəz etmək üçün yaradılıb. "Surface Pro 3" –  "Microsoft"un istehsalı olan ən nazik və yüngül planşetdir. Eyni zamanda, tamölçülü noutbuk kimi eyni gücə malikdir.

Planşet nəfis dizayna, dördüncü nəsil "Intel Core i3" prosessoruna , 4 QB əməli yaddaşa, 64 QB tutumunda sərt diskə və daxili "MicroSD" rartriderinə malikdir. Bu planşet sübut edir ki, artıq noutbuklar dövrü bitir.
 
 
 
 
 
"The Selfie Stick"


 




"Selfi" üçün ştativ – bu, fotoportretlərin yaradılmasını asanlaşdırmaq üçün nəzərdə tutulub. Elə bu səbəbdən də, ilin texnoloji cihazı koteqoriyasına daxil edilib.

Emil Hüseynov
 



Baxış sayı: 1533

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024