12px13px15px17px
Tarix:02/12/14

Nazir: "Qabaqcıl yeniliklərin nümayiş etdirildiyi “Bakutel”sərgi-konfransı artıq geniş miqyasda özünəməxsus nüfuza malikdir"

"Bakutel-2014" 20-ci Azərbaycan Beynəlxalq Telekommunikasiya və İnformasiya İexnologiyaları Sərgi-Konfransının iştirakçılarına

Hörmətli sərgi və konfrans iştirakçıları!
 
Sizi Azərbaycanın paytaxtı Bakı şəhərində "Bakutel-2014" XX Beynəlxalq Telekommunikasiya və İnformasiya Texnologiyaları Sərgi-Konfransının açılışı münasibətilə səmimi qəlbdən salamlayır, hər birinizə cansağlığı və işlərinizdə müvəffəqiyyətlər arzulayıram.

Ölkəmizdə müxtəlif sahələrdə keçirilən ənənəvi tədbirlər sırasında informasiya-kommunikasiya texnologiyaları üzrə qazanılan nailiyyətlərin və dünyada tətbiq olunan qabaqcıl yeniliklərin nümayiş etdirildiyi "Bakutel"sərgi-konfransı artıq geniş miqyasda özünəməxsus nüfuza malikdir. Bu il sərgi və konfransın öz uğurlu fəaliyyətinin 20 illik yubileyini qeyd etməsi bir əlamətdar hadisə kimi onun əhəmiyyətini daha da artırır.

Keçən bu müddət ərzində Azərbaycan hökumətinin və şəxsən Azərbaycan Respublikasının Prezidenti cənab İlham Əliyevin son 10 ildə düşünülmüş, ardıcıl və məqsədyönlü siyasəti nəticəsində respublikada digər sosial-iqtisadi sahələr kimi, İKT sahəsi də böyük və uğurlu yol keçib. MDB məkanında ilk olaraq ölkəmizdə bütün yaşayış məntəqələri telefonlaşdırılıb, telefon şəbəkəsi tam rəqəmləşdirilib. Ölkədə "3G", "4G" və digər yeni texnologiyalar tətbiq edilmiş, internetə ən müasir çıxış imkanları yaradılıb. Bunun nəticəsidir ki, hazırda əhalinin 75%-i internet, onların 55%-i isə genişzolaqlı internet istifadəçisidir. Rəqəmli televiziya yayımına keçid tam başa çatmaq üzrədir və əhalinin təxminən 98%-nin rəqəmli televiziyaya çıxışı təmin olunub.

2013-cü ildə Azərbaycan Respublikasının ilk telekommunikasiya peyki "Azerspace-1" orbitə çıxarılıb və Avropa, Yaxın Şərq, Orta Asiya, Afrika ölkələrinə telekommunikasiya, internet, televiziya-radio yayımı və digər rabitə xidmətlərini uğurla göstərməkdədir.

Ölkəmiz BMT Baş Assambleyasının qətnamələri ilə dəstəklənən TASİM, EuroCA, həmçinin EPEG kimi nəhəng transmilli İKT layihələrinin təşəbbüskarı və fəal iştirakçısıdır. Azərbaycan Respublikasının Prezidenti tərəfindən "Azərbaycan Respublikasında informasiya cəmiyyətinin inkişafına dair 2014-2020-ci illər üçün Milli Strategiya"nın təsdiq edilməsi ölkəmizin qlobal aləmdə formalaşan informasiya cəmiyyətində öz layiqli yerini tutmaq əzmini nümayiş etdirir.

Görülən işlərin nəticəsidir ki, Azərbaycan bu ilin oktyabr ayında Beynəlxalq Telekommunikasiya İttifaqının Səlahiyyətli Konfransı çərçivəsində sahə üzrə bu mötəbər təşkilatın ali idarəedici qurumu olan Şuraya üzv seçilib.

Bu gün dinamik inkişaf edən Azərbaycan iqtisadiyyatının innovativ və texnoloji tutumlu iqtisadiyyata transformasiyasını təmin etmək üçün yüksək texnologiyaların potensialına xüsusi əhəmiyyət verilir. Azərbaycan Respublikası Prezidentinin fərman və sərəncamları ilə Rabitə və Yüksək Texnologiyalar Nazirliyinin və onun tabeliyində İnformasiya Texnologiyalarının İnkişafı Dövlət Fondunun, Yüksək Texnologiyalar Parkının və Milli Nüvə Tədqiqatları Mərkəzinin yaradılması ölkədə rəqabətqabiliyyətli və ixracyönlü yüksək texnologiyalar sektorunun formalaşdırılmasına xidmət edir. İnformasiya texnologiyaları, mikroelektronika, kosmik, nano, bio və digər innovativ texnologiyaların inkişaf etdirilməsi, bu istiqamətdə dövlət, elm, təhsil və biznes arasında tərəfdaşlığın möhkəmləndirilməsi, innovativ sahibkarlığın genişləndirilməsi, rəqabətədavamlı İKT məhsul və xidmətlərinin, elmtutumlu və yüksək texnoloji məhsulların istehsalı və xarici bazarlara çıxarılması biliklərə əsaslanan iqtisadiyyatın qurulmasını təmin etmək üçün əsas vəzifələr olaraq planlaşdırılır.

Builki sərgi və konfransın proqramı əvvəlkilərdən daha geniş və zəngindir. Sərgi və konfransın gündəliyinə "Əşyaların interneti", "Elektron hökumət" üzrə beynəlxalq konfransların və digər tədbirlərin daxil edilməsi İKT üzrə yeni nailiyyət və təşəbbüslərin işgüzar dairələrə çatdırılması, gələcək inkişaf prioritetlərinin müəyyən edilməsi, qarşılıqlı faydalı əməkdaşlığın və təcrübə mübadiləsinin genişləndirilməsi üçün hərtərəfli imkanlar açır.

Eyni zamanda "Bakutel-2014" Beynəlxalq Sərgi və Konfransının baş sponsoru "Intel" şirkətinə, həmtəşkilatçılar olan Beynəlxalq Telekommunikasiya İttifaqına və Dünya İqtisadi Forumuna dərin təşəkkürümü bildirirəm.

İnanıram ki, "Bakutel-2014" Beynəlxalq Sərgi-Konfransı müxtəlif ölkələri, təşkilatları təmsil edən nümayəndələri bir araya gətirərək beynəlxalq və regional səviyyələrdə əməkdaşlıq münasibətlərinin gücləndirilməsi baxımından uğurlu olacaq və tezliklə öz səmərəli nəticələrini verəcəkdir.
 
Ən xoş arzularla,
 
Əli ABBASOV

Azərbaycan Respublikasının
rabitə və yüksək texnologiyalar naziri
 



Baxış sayı: 577

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Oktyabr 2018

23 10 2018

23/10/18
Yüksək Texnologiyalar Parkı “Barama” İnnovasiya və Sahibkarlıq Mərkəzi ilə əməkdaşlığa başladı

Nəqliyyat, Rabitə və Yüksək Texnologiyalar Nazirliyinin Yüksək Texnologiyalar Parkı ilə “Azercell Telekom” 

23/10/18
“WhatsApp” istifadəçiləri sifət və barmaq izinə görə tanıyacaq

Populyar “WhatsApp” messencerinin komandası tezliklə sifət və barmaq izlərinə görə istifadəçilərin autentifikasiya 

23/10/18
İlk “HTC” blokçeyn smartfonu rəsmən nümayiş olunub

“HTC” şirkəti “Exodus 1” adlı ilk blokçeyn smartfonunu təqdim edib.

23/10/18
“Windows”un oktyabr yeniləməsində yeni boşluq aşkar edilib

“Windows” sisteminin oktyabr yeniləməsində faylların silinməsinə səbəb olan yeni boşluq aşkar edilib. 

23/10/18
Çap maşını klaviaturalı “Samsung” noutbuku təqdim edilib

Cənubi Koreyanın “Samsung Electronics” şirkəti yeni “Samsung Notebook Flash” portativ kompüter 

23/10/18
Çində dünyanın ən güclü kollayderi tikiləcək

Çin elmi ictimaiyyəti 2030-cu ilədək dünyanın ən güclü kollayderini inşa etmək niyyətindədir

23/10/18
“AzInTelecom” “Hackathon” keçirir

Azərbaycanda ilk dəfə olaraq 26-30 oktyabr tarixlərində keçirilən beynəlxalq “İnnovasiyalar həftəsi” 

23/10/18
İnsanın yatış pozasına uyğunlaşan “ağıllı” balış təqdim olunub

“Podoon” adlı “ağıllı” balış insanın rahat yatması üçün onun yatış pozasına avtomatik uyğunlaşa bilir.

23/10/18
Kvant internetin yaradılması üzrə plan açıqlanıb

Kvant interneti reallığa çevrilən ilk kvant informasiya texnologiyası ola bilər. Belə ki, Niderlandın 

23/10/18
Amerikalı yeniyetmələrin 82%-i “iPhone”u seçib

“Piper Jaffray” analitiklərinin araşdırmasına görə, amerikalı yeniyetmələrin böyük əksəriyyəti “iPhone