İKT

Tarix:05/12/14

Elastik ekran bazarında 9 dəfə artım gözlənilir

Analitiklər elastik ekran bazarında kəskin artım proqnozlaşdırır.

"ICTnews" elektron xəbər xidməti “dailycomm.ru” saytına istinadən bildirir ki, 2015-ci ildə istehsalçıların əksəri bükük ekranla təchiz ediləcək "ağıllı" saat və başqa mobil cihazların buraxılışına hazırlaşır. Bunu nəzərə alan “DisplaySearch” ekspertləri 2014-cü illə müqayisədə elastik ekran bazarında təxminən 9 dəfə artım proqnozlaşdırır.

“Business Korea” nəşri yazır ki, gözləntilərə görə, 2013-2020-ci illərdə bu məhsulun satışlarından əldə olunan gəlir orta hesabla 119% artacaq və proqnozlaşdırılan dövrün sonuna 20 milyard ABŞ dollarını ötəcək.

Ənənəvi ekranlardan fərqli olaraq, elastik ekranlar şüşədən deyil, plastik materiallardan hazırlanıb. Bundan başqa, elastik ekrana istənilən formanı vermək olar ki, bu da dizayn sahəsində imkanları genişləndirir.

Son zamanlar istehsalçılar bu məhsulun buraxılışı ilə bağlı texniki problemlərin əksəriyyətini həll etməyə nail olublar, buna görə yaxın altı ayda şirkətlər elastik ekran istehsalının həcmini artırmağa hazırlaşırlar.

Emil Hüseynov

Baxış sayı: 652