İKT

Tarix:05/12/14

“Startaplar üçün ESET” müsabiqəsində Azərbaycandan olan yeni şirkətlər də iştirak edə bilərlər

Beynəlxalq antivirus şirkəti “Startaplar üçün ESET” müsabiqəsində iştirak etmək üçün Rusiya şirkətləri ilə yanaşı, MDB ölkələrindən olan yeni şirkətləri də dəvət edib.

“ICTnews” xəbər xidmətinin məlumatına əsasən, müsabiqədə Rusiyadan, Moldovadan, Belarusdan, Gürcüstandan, Azərbaycandan, Özbəkistandan, Qazaxıstandan, Qırğızıstandan, Tacikistandan, Türkmənistandan və Ermənistandan olan, informasiya texnologiyaları, internet, elm, media, sosial layihələr və s. müvafiq sahələr üzrə fəaliyyət göstərən yeni şirkətlər iştirak edə bilərlər.

Müsabiqədə iştirak etmək üçün “Biz ESET-ik” İT portalında qeydiyyatdan keçərək şirkəti təqdim etmək və biznesin mühafizəsi haqda bəhs etmək lazımdır.

Müəlliflər “ESET NOD32 Small Business Pack” kiçik biznes üçün korporativ antivirus hədiyyə alırlar. Gələn ilin fevral ayında müsabiqənin əsas prizinin – Silikon Vadisində “Deep Dive” proqramı üzrə təhsil almaq üçün qrant sahibinin adı açıqlanacaq.

Aynur Vəliyeva

Baxış sayı: 615