İNTERNET

Tarix:09/12/14

İran hər bir internet istifadəçisini izləyəcək

İran hakimiyyəti şəbəkə azadlığının məhdudlaşdırılması təşəbbüsü ilə tanınır, lakin əvvəllər yalnız ayrı-ayrı saytların bloklanmasından söhbət gedib. İndi isə İran İslam Respublikasında hər bir internet istifadəçisinin kompüterinə fərdi identifikasiya sistemini quraşdırmaq istəyirlər.

"Yaxın gələcəkdə internetdən istifadə etmək istəyənlər identifikasiya ediləcək və biz hər bir istifadəçinin şəxsiyyətini təyin edə biləcəyik" – telekommunikasiya naziri Mahmud Vaezi deyib. Nazir sistemin iş prinsipi və işə salınma müddətini açıqlamayıb. Beləliklə, ölkə hökuməti istəyir ki, istifadəçilər “haram” materialı oxumasın.

"ICTnews" elektron xəbər xidməti “hitech.vesti.ru” saytına istinadən bildirir ki, İran hakimiyyəti, həmçinin istənilən “haram” materialı şəbəkədən maksimal sürətdə siləcək "ağıllı" avtomatik filtrlər yaratmağa ümid edir.

Sözügedən sistem 10 ay ərzində istifadəyə verilməlidir. Hazırda İranda “Google”, “Youtube”, “Facebook”, “Twitter”, “Whatsapp”, “Viber”, “Вконтакте” və digər sosial xidmətlər, sayt və mobil tətbiqlər bloklanıb.

Emil Hüseynov

Baxış sayı: 746