İKT

Tarix:10/12/14

Nazirlik: “Kooperativlərdəki payların həbsdə olub-olmaması və ya yüklü olması barədə arayışları elektron qaydada almaq mümkündür”

Ölkədə elektron xidmətlərə maraq və ondan istifadə sayı artdıqca, istifadəçilər tərəfindən bir sıra proseslərlə əlaqədar suallar ortaya qoyulur. Bu suallardan biri də vərəsəliklə bağlı insanların kooperativlərdəki paylarının həbsdə olub-olmamasını və ya yüklü olması barədə arayışı elektron xidmətlər vasitəsi ilə əldə etməyin mümkünlüyü ilə əlaqədardır.

“ICTnews” elektron xəbər xidməti bildirir ki, sözügedən məsələ ilə əlaqədar Vergilər Nazirliyinin rəsmi internet səhifəsindəki “Sual-cavab” bölməsində açıqlama verilib. Nazirlik qeyd edir ki, təsisçilərin paylarının yüklülüyü kommersiya qurumlarının dövlət reyestri məlumatlarına aid olduğundan, qeyd edilən sənədin alınması üçün həmin kommersiya hüquqi şəxsin qeydiyyatda olduğu vergi orqanına (o cümlədən əhatə dairəsinə aid olan vergi orqanlarına) sərbəst formada hazırlanmış ərizə ilə müraciət edilə bilər.

Qeyd edilən ərizə forması gücləndirilmiş elektron imza vasitəsilə İnternet Vergi İdarəsi portalı üzərindən onlayn qaydada da təqdim edilə bilər: bunun üçün "İnternet Vergi İdarəsi"nin "Onlayn kargüzarlıq və e-VHF" bölməsinə daxil olaraq "Yeni müraciət" düyməsi sıxılır və açılan pəncərədə "Kimə" siyahısından - Vergilər Nazirliyi, "Müraciətin növü" siyahısından - Ərizə, "Sənədin növü" siyahısından - "Sair ərizə" seçilir. Müraciətin məzmunu yazılır və yaxud qoşma fayl kimi əlavə edilir, sənədin cavabının alınma forması (bu ünvana gəlsin və ya kağız formasında poçtla ünvana göndərilsin) seçilir və "Qəbul" düyməsi sıxılır” – deyə VN-dən bildirilib.

Nazirlik qeyd edir ki, bu proses Vergi Məcəlləsinin 15.1.1-ci (vergi ödəyicisinin hüquqları) maddəsi, Azərbaycan Respublikası Mülki Məcəlləsinin 303-cü maddəsi, "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikası 12 dekabr 2003-cü il tarixli 560-IIQ nömrəli Qanununun 12-ci maddəsi, Azərbaycan Respublikası vergilər nazirinin 11.07.2013-cü il tarixli müvafiq əmri ilə təsdiq edilmiş "Vergi ödəyicilərinə xidmətlərin vahid standartları"na əsaslanaraq həyata keçirilir.

SEYMUR

Baxış sayı: 883