12px13px15px17px
Tarix:20/12/14

“Instagram”ın dəyəri 35 milyard təşkil edib

ABŞ-ın “Facebook” sosial şəbəkəsinə məxsus fotoşəkillərin yerləşdirilməsi üçün “Instagram” sosial şəbəkəsinin dəyəri 35 milyard təşkil edir. “Citibank” investisiya bankının analitiki Mark Mey belə qiymətləndirmə təyin edib.
 
Bundan əvvəl bank “Instagram”ı 19 milyard məbləğində qiymətləndirib. Mey bildirib ki, sözügedən fotoxidmətin bahalaşması istifadəçilərin sayının və reklam gəlirlərinin artımı ilə bağlıdır.
 
"ICTnews" elektron xəbər xidməti “itar-tass.com” saytına istinadən bildirir ki, "Instagram yalnız indi öz auditoriyasından gəlir əldə etməyə başlayıb və bu xidmətin “Facebook”a maliyyə töhfəsi hələ ki azdır" – Mey deyib.
“Bloomberg” nəşri yazır ki, 35 milyard dollar məbləğində qiymətləndirilmiş “Instagram” dəyərinə görə “American Airlines” və “Kraft Foods” kimi şirkətlərlə müqayisə edilə bilər.

Bundan əvvəl dekabrda “Instagram”ın baş direktoru və həmtəsisçisi Kevin Sistrom məlumat verib ki, əlavənin aylıq auditoriyası 300 milyon aktiv istifadəçidən ibarətdir. Bu göstərici üzrə sosial şəbəkə “Twitter” mikrobloqlar xidmətini geridə qoyub.

Xatırladaq ki, “Facebook” təxminən 2012-ci ilin aprelində “Instagram” fotoxidmətini 1 milyard dollara satın alıb.

Emil Hüseynov



Baxış sayı: 925

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024