İKT

Tarix:29/12/14

İki qurumun məlumat bazalarında abonent kodları FİN-ə uyğunlaşdırılır

Rabitə və Yüksək Texnologiyalar Nazirliyinin Məlumat Hesablama Mərkəzi (MHM) qurumlara məlumat bazalarının təkmilləşdirilməsi, məlumatların Fərdi İdentifikasiya Nömrəsinə (FİN) uyğunlaşdırılması istiqamətində hər cür dəstək göstərir.

Mərkəzdən verilən məlumata görə, hazırda “Azərenerji” ASC və “Azərsu” ASC-nin məlumat bazalarında abonent kodlarının FİN-ə uyğunlaşdırılması üzərində iş gedir. Bu proses başa çatdıqdan sonra həmin qurumların təqdim etdiyi e-xidmətlər sadələşməklə yanaşı, həm də digər qurumlarla portal üzərindən informasiya mübadiləsi imkanı yaranacaq.

Belə ki, təkcə autentifikasiyadan keçməklə, abonent kodunu daxil etmədən kommunal xidmət haqlarının ödənilməsi və borcun olmaması haqda elektron arayışların portal vasitəsilə verilməsi mümkün olacaq.

CAHANGİR

Baxış sayı: 928