12px13px15px17px
Tarix:16/01/15

Son 15 ildə yeni internet şirkətlərinə investisiyalar rekord səviyyəyə çatıb

2014-cü ildə internet “start-up”larının vençur maliyyələşdirilməsi bazarının həcmi 2000-ci ildən bəri ən yüksək həddədək artıb.

Bu barədə “PCWorld” nəşri “Price Waterhouse Coopers” (PWC) konsaltinq şirkəti və ABŞ Milli Kapital Assosiasiyası (National Venture Capital Association, NVCA) tərəfindən “Thomson Reuters” media şirkətinin məlumatları əsasında birgə hazırlanan “Money Tree Report” hesabatına istinadən məlumat verib.
 
Analitiklərin qiymətləndirməsinə görə, 2014-cü ildə internet şirkətləri ümumilikdə 11,9 milyard dollar cəlb edib ki, bu da bir il əvvəldən 86 faiz çoxdur. Daha çox investisiya həcmi informasiya texnologiyaları (İT) sahəsində internet canlanmasının baş verdiyi 2000-ci ildə müşahidə olunub. O zaman yenicə fəaliyyətə başlayan onlayn şirkətlər investorlardan 41,7 milyard dollar cəlb edib.
 
Proqram təminatı bazarı da son 15 ildə rekord həcmdə pul vəsaitlərinin cəlb edilməsini nümayiş etdirib. 2014-cü ildə proqram təminatı şirkətlərinə vençur təşkilatlardan maliyyə yardımı 19,8 milyard dollar təşkil edib. Bu, bir il əvvəlin göstəricisi ilə müqayisədə 77 faiz çoxdur. Ekspertlər qeyd edirlər ki, proqram təminatı sənayesi ötən il investisiyaların ən çox yatırıldığı sahə olub.
 
2014-cü ilin oktyabr-dekabrında İT sektorunda maliyyələşmənin orta həcmi 5,89 milyon dollara bərabər olub ki, bu da son beş ildə ən yüksək rüblük göstəricidir.
 
Ötən il hamıdan çox investisiyanı “Uber” xidməti cəlb edib. Noyabrda onlayn taksi sifarişi servisi 1,2 milyard dollar investisiya alıb ki, bunun da sayəsində şirkətin dəyəri 41,2 milyard dollara çatıb. Bu, bir il əvvəlki dəyərdən 12 dəfə çoxdur.
 
İnternet bazarında maliyyələşmənin həcminə görə ikinci raundunda “Magic Leap” əlavə reallıq texnologiyaları tərtibatçısı iştirak edib. Şirkət ictimaiyyətə yaradılan məhsullar barədə məlumat verməsə də, bu, ona “Google”, “Qualcomm Ventures”,” Legendary Pictures” və s. investorlardan 542 milyon dollar cəlb etməyə mane olmayıb.
 
Vençur maliyyələşməsinin həcminin böyüklüyünə görə internet “start-up”ları üçlüyünə “Yahoo!” şirkətinin 486 milyon dollar verdiyi "Snapchat” messenceri də daxil olub, - “DailyComm www.dailycomm.ru” yazır.



Baxış sayı: 830

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024