İKT

Tarix:26/01/15

“Facebook” “Android” platforması üçün “Facebook Lite” tətbiqini sınaqdan keçirir

“Facebook” sosial şəbəkəsi ucuz “Android” smartfonlar üçün saytın sadə versiyası olan “Facebook Lite” mobil tətbiqini sınaqdan keçirir.

"ICTnews" elektron xəbər xidməti “lookatme.ru” saytına istinadən bildirir ki, hazırda sözügedən mobil tətbiq Banqladeş, Vyetnam, Zimbabve, Nepal, Nigeriya, Sudan, Şri-Lanka və CAR-da əlçatandır. Sınaqlar uğurlu olduğu halda, mobil tətbiq başqa ölkələrdə də əlçatan olacaq. Bu tətbiq “Android” platforması ilə işləyən köhnə və ucuz smartfonlar, həmçinin “2G” rabitəsinə və ya sadəcə zəif qoşulmaya malik istifadəçilər üçün nəzərdə tutulub.

Belə mobil tətbiqin çıxarılması əsas rabitə vasitəsi smartfon və mobil platformalardan istifadə olunan inkişaf etməkdə olan ölkələrin bazarında “Facebook”un öz mövqeyini gücləndirmək istəyinə sübutdur. 2014-cü ilin üçüncü rübündə Hindistan ən sürətlə inkişaf edən smartfon bazarı olub.

Emil Hüseynov

Baxış sayı: 697