İKT

Tarix:26/01/15

Çinlilər daha çox “iPhone” smartfonunu satın alır

Analitiklərin qiymətləndirməsinə görə, “Apple” dünyanın ən böyük operatoru olan “China Mobile” ilə saziş imzalaması və “iPhone 6” smartfonunun istehsalı sayəsində Çin bazarında dönüş yaratmağa nail olub. Bu haqda “UBS” tədqiqat şirkətinə istinadən “The Financial Times” nəşri yazıb.

Qəzet yazır ki, bu həftə “Apple” elan edəcək ki, 2014-cü ildə çinlilər daha aktiv “iPhone” alıcısı olublar. Analitiklər hesab edir ki, "alma" smartfonlarının Çində satış həcmi ilk dəfə ABŞ-dakı göstəricidən yaxşı ola bilər.

"ICTnews" elektron xəbər xidməti “macdigger.ru” saytına istinadən bildirir ki, ötən ilin dördüncü rübündə “iPhone” tədarükünün 36 faizi Çinin, 24 faizi isə ABŞ-ın payına düşüb.

Nəşr, həmçinin ona diqqət yetirir ki, Çin bazarında “Samsung”un problemləri fonunda “iPhone” smartfonunun mövqeyi güclənir.

Emil Hüseynov

Baxış sayı: 695