İKT

Tarix:05/02/15

Bill Qeyts xeyriyyəçiliyə 1,5 milyard dollar ayırıb

“Bloomberg” agentliyi “Gates Foundation Asset Trust” şirkətinin nümayəndəsi Emi Enrayta istinadən yazır ki, “Microsoft”un yaradıcısı Bill Qeyts proqram şirkətinin 1,5 milyard dollar məbləğində səhmini bu şirkətə ayırıb.

"ICTnews" elektron xəbər xidməti “dailycomm.ru” saytına istinadən bildirir ki, “Microsoft” şirkətinin ABŞ Qiymətli Kağızlar və Birja üzrə Komissiyasına (U. S. Securities and Exchange Commission) göndərdiyi sənəddə bu informasiya öz əksini tapıb. Sənəddə yazılıb ki, Bill Qeyts proqram nəhənginin 31 milyon səhmini bu şirkətə ianə edib. Onun varidatı 82,9 milyard dollar məbləğində qiymətləndirilir.

“Gates Foundation Asset Trust” şirkəti Bill Qeyts və onun həyat yoldaşı Melinda Qeyts tərəfindən yaradılmış xeyriyyəçilik fondunun investisiyalarını idarə edir.

2015-ci il yanvarın sonunda bu fond yoxsul ölkələrdə uşaqların peyvənd edilməsi üçün Vaksin və İmmunizasiya üzrə Qlobal Alyansa 1,55 milyard dollar ayırıb. Son 15 ildə Qeyts bu alyansa təxminən 4 milyard dollar ayırıb. 2014-cü ilin sentyabrında “Bill and Melinda Gates Foundation” “Ebola” virusu ilə mübarizəyə 50 milyon dollar ayırıb.

Emil Hüseynov

Baxış sayı: 686