İKT

Tarix:17/02/15

Azərbaycanın İKT sektorunda ötən ay ərzində 134 milyon manata yaxın xidmət göstərilib

Azərbaycanın informasiya və rabitə sektorunda bu ilin yanvar ayında təsərrüfat subyektlərinə və əhaliyə 133,6 milyon manatlıq xidmət göstərilib.

“ICTnews” xəbər xidmətinin məlumatına əsasən, 2014-cü ilin müvafiq dövrü ilə müqayisədə göstərilən xidmətlərin müqayisəli qiymətlərlə həcmi 13,9 faiz artıb.

Ölkədə əhaliyə göstərilmiş informasiya və rabitə xidmətlərinin payı 72,2 faizə bərabər olub.

Hesabat dövründə əldə olunmuş gəlirlərin ümumi həcmindən 52, 5 faiz mobil rabitə xidmətlərinin payına düşüb. Ötən ilin müvafiq dövrü ilə müqayisədə mobil rabitə xidmətlərindən əldə edilmiş gəlirlərin həcmi 3,5 faiz artaraq 70,2 milyon manat təşkil edib.

Qeyd edək ki, ötən il ərzində təsərrüfat subyektlərinə və əhaliyə 1,6 milyard manatlıq xidmət göstərilib, onların 56,5 faizi mobil rabitə xidmətlərinin payına düşüb.

Aynur Vəliyeva

Baxış sayı: 1245