İNTERNET

Tarix:18/02/15

“Əşyaların interneti” konsepsiyasının təhlükəsizliyi sual altındadır

“Əşyaların interneti” (Internet of Things) texnologiyaları ilə təchiz edilən qurğularla işləməyə hazırlaşan iri müəssisələr bir sıra ciddi çətinliklərlə üzləşməli olacaqlar. Bu barədə martda Londonda bu mövzuya həsr olunmuş konfrans keçirəcək "Gartner” analitik şirkəti xəbərdarlıq edib.

Şirkət analitiklərinin fikrincə, istifadə və uçot məlumatlarının idarə edilməsi üzrə mövcud sistemlər (identity and access management, IAM) “Əşyaların interneti”ni korporativ şəbəkəyə gətirəcək çətinliklərin qarşısını ala bilmək üçün kifayət etməyəcək.

Problem ondadır ki, şirkətlər “mahiyyət”in uçot məlumatlarının müəyyənləşdirilməsi və idarəetməsi üzrə üsullar axtarıb tapmalı olacaqlar. “Gartner” mütəxəssisləri buna “insanlar, xidmətlər və əşyalar vahid platforma daxilində” termini ilə ad veriblər. Şirkət nümayəndələri ümid edirlər ki, problemi “mahiyyət“in bütün uçot məlumatlarını özündə birləşdirəcək və onlar arasında münasibətləri müəyyənləşdirəcək “əşyaların uçot məlumatları”nın (identity of things, IDoT) tətbiqi vasitəsilə aradan qaldırmaq mümkün olacaq.

Hazırda oxşar texnologiyalar çox mürəkkəb görünür, lakin “Gartner” mütəxəssisləri əmindirlər ki, artıq tezliklə informasiya şöbələrinin direktorları bu məsələlərlə rastlaşmalı olacaqlar. Analitik şirkətin keçirəcəyi konfrans da məhz bu məqsədi daşıyır, - “SecurityLab ” yazır.

Baxış sayı: 643