12px13px15px17px
Tarix:20/02/15

Mobil bankçılıq xidmətlərindən yararlanan gənc istifadəçilərin sayı xeyli artıb

2014-cü ilin sonunda “Gemalto” analitik şirkəti tərəfindən keçirilmiş araşdırmaya əsasən, Böyük Britaniya, ABŞ, Braziliya, Meksika və Sinqapurda 16-24 yaşlı gənclərin arasında mobil bankçılıq xidmətlərindən yararlanan istifadəçilərin sayı xeyli artıb.
 
Belə ki, ABŞ-da respondentlərin 39 faizi hesab edir ki, mobil bankçılıq xərclərə daha yaxşı nəzarət etməyə kömək edir; Braziliyada rəyi soruşulmuşların 42 faizi mobil bankçılıq  xidmətlərini dəstəkləməyən bankı dəyişməyə hazırdırlar; Meksikada respondentlərin 73 faizi bank əməliyyatları üçün smartfon və ya planşetlərdən aktiv istifadə edir.
 
Maraqlıdır ki, gənclər belə xidmətlərdə rahat naviqasiyanın mövcudluğuna və interfeysin nəfis dizaynına böyük əhəmiyyət verirlər. Həmçinin gənclər üçün mobil bankçılığın köməyi ilə əməliyyatların edilməsi zamanı fərdi informasiyanın yüksək təhlükəsizlik səviyyəsi mühüm amildir. Şirkətin nümayəndəsi vurğulayıb ki, Böyük Britaniya (50 faiz), Sinqapur (77 faiz) və Meksikada (46 faiz) gənclərin böyük hissəsi lazımi təhlükəsizliyi təmin etməyən bankın xidmətlərindən imtinaya hazırdırlar.
 
"ICTnews" elektron xəbər xidməti “cnews.ru” saytına istinadən bildirir ki, mobil bankçılıq xidmətlərinə marağın artması regionlarda mobil qurğuların geniş yayılmasına səbəb olub. Belə ki, respondentlərin 54 faizi smartfona (rəyi soruşulmuşların təxminən 45 faizi bank əməliyyatlarını həyata keçirir), 38 faizi isə eyni zamanda smartfon və planşetə malikdir. Bu halda respondentlərin 38 faizdən çoxu gün ərzində mobil qurğudan 5 saatdan çox istifadə edirlər. Gənclərin mobil qurğularının köməyi ilə həyata keçirdikləri ən çox yayılmış bank əməliyyatları hesabların ödənilməsi (40 faiz) və ölkə daxilində pulköçürmələridir (26 faiz).
 
Ümumilikdə gənclər mobil bankçılıq xidmətlərinin gələcəyinə inanırlar: onların 18 faizi hesab edir ki, bank hesabına müntəzəm giriş maliyyə məsələlərində daha məsuliyyətli olmağa kömək edir; respondentlərin 36 faizi əmindir ki, onlar telefon və ya planşetdən mobil bankçılığın köməyi ilə öz xərclərinə daha yaxşı nəzarət edə bilərlər və rəyi soruşulmuşların 24 faizi hesab edir ki, mobil bankçılıq onların həyatının ayrılmaz bir hissəsidir.
 
Emil Hüseynov
 



Baxış sayı: 318

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Avqust 2019

24 08 2019

24/08/19
“Silence” haker qruplaşmasının vurduğu ziyan açıqlanıb

“Silence” haker qruplaşmasının bütün dünya üzrə vurduğu ziyan 4,2 milyon dollar təşkil edib. Bu barədə ki

24/08/19
“5G” infrastrukturu sahəsində xərclər 2 dəfə artacaq

“Gartner” analitik şirkəti beşinci nəsil mobil rabitə şəbəkəsi (5G) infrastrukturunun inkişafı üzrə proqn

24/08/19
“Intel” süni intellekt üçün ilk prosessor hazırlayıb

“Intel” şirkəti “Nervana NNP-I” (digər adı Springhill) prosessorunu təqdim edib.