İKT

Tarix:25/02/15

Azərbaycanda informasiya cəmiyyətinin inkişafına dair Milli Strategiya mövzusu test proqramına salınıb

Dövlət qulluğuna qəbulla bağlı “İnformasiya texnologiyaları” üzrə Test Proqramına Azərbaycan Respublikası Prezidentinin 2 aprel 2014-cü il tarixli 359 nömrəli Sərəncamı ilə təsdiq edilmiş “Azərbaycan Respublikasında informasiya cəmiyyətinin inkişafına dair 2014-2020-ci illər üçün Milli Strategiya” mövzusu salınıb.

“ICTnews” elektron xəbər xidmətinin xəbərinə görə, bu məlumat Prezident yanında Dövlət Qulluğu Məsələləri üzrə Komissiyanın 2014-cü ildəki fəaliyyətinə dair hesabatda yer alıb.

Həmin Strategiyaya uyğun olaraq yeni test tapşırıqları hazırlanaraq ekspertizadan keçirilib və Test Bankına daxil edilib. 2015-ci ildə də Test Bankının yeni test tapşırıqları ilə zənginləşdirilməsi istiqamətində işlərin davam etdirilməsi nəzərdə tutulur.

CAHANGİR

Baxış sayı: 1178