12px13px15px17px
Tarix:19/03/15

İki nəhəng indi avtomobil sənayesində mübarizə aparır

Cənubi Koreyanın “Samsung” və ABŞ-ın “Apple” şirkətləri arasındakı “müharibə” avtomobil sənayesi sahəsində davam edir. Əsas məsələ ondan ibarətdir ki, hansı şirkət öz elektrik avtomobilini birinci ilk kütləvi istehsala buraxacaq.
 
"ICTnews" elektron xəbər xidməti “dni.ru” saytına istinadən bildirir ki, “Apple” korporasiyası 2020-ci ilədək elektrik avtomobili buraxmaq niyyətindədir. Əvvəllər “Ford”un icraçı direktoru vəzifəsində çalışmış, “iPod” və “iPhone” qurğularının hazırlanmasında iştirak etmiş Stiv Zadeskinin rəhbərliyi altında qrup “Titan” layihəsi üzərində işə başlayıb. Gözləntilərə görə, yaxın vaxtlarda təqdim ediləcək yeni “CarPlay” sistemi avtomobilin multimedia qurğularını idarə etməyə imkan verəcək.

Ancaq “Thomson Reuters”in hesabatına əsasən, “Samsung” avtomobil texnologiyaları sahəsində daha aktiv tədqiqat və hazırlamalar aparır. Cənubi Koreya istehsalçısının patentlərini araşdırmış analitiklər belə nəticəyə gəliblər.
 
Buna görə Cənubi Koreya şirkətinin rəqibini qabaqlamaq məqsədi ilə öz avtomobilini hazırlamaq istəyi istisna deyil.
 
Emil Hüseynov



Baxış sayı: 621

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024