İKT

Tarix:20/04/15

Fransa hökuməti “Google” şirkətindən axtarış alqoritminin sirrini açmağı tələb edir

Fransa senatı internetdə rəqabəti dəstəkləyən qanunlar qəbul edib. Onlardan biri bütün axtarış sistemləri tərəfindən nəticə alqoritmlərinin açıqlanmasını nəzərdə tutur. Yeni qaydalar ilk növbədə “Google” şirkətinin işinə təsir göstərəcək, çünki Fransa istifadəçilərinin sorğularının 90 faizi bu sayt vasitəsilə edilir.

İnternetdə rəqabətin dəstəklənməsinə dair qanunları müzakirəyə senator Katrin Morin-Desali çıxarıb, iqtisadiyyat naziri Emmanuel Makron isə onlara qarşı çıxıb. O bildirib ki, belə qanunlar Avropa İttifaqı tərəfindən qəbul edilməlidir. Lakin Morin-Desali qeyd edib ki, Fransanın internet biznesinə dəstək təcili göstərilməlidir, Aİ-də qərarların qəbulu prosesi isə çox yubanır.
Bundan başqa, senat axtarış sistemlərini üç rəqibin saytına (onlardan biri Fransa saytı olmalıdır) linklər verməyə məcbur edən qanunu təsdiq edib.

Nəticə alqoritmləri axtarış sistemlərində ən böyük sirdir. Əksər şirkətlər bu sirri açmağa çalışır ki, axtarış sistemlərində öz mövqeyini yaxşılaşdırsın və internetdə auditoriyasını artırsın, - "Lenta” yazır.

Baxış sayı: 609