İNTERNET

Tarix:20/04/15

Azərbaycanda yeni mobil ödəniş sistemi istifadəyə verilib

Azərbaycan mobil ödənişlər bazarında daha bir sistem istifadəyə verilib.

“ICTnews” xəbər xidmətinin məlumatına əsasən, “Portmanat SMS” adlanan xidmət istifadəçilərin əməliyyatlarını artıq SMS vasitəsi ilə də həyata keçirməyə imkan verir.

Portmanat hesabına daxil olmadan müvafiq əmrləri mobil telefon vasitəsilə 9889 qısa nömrəsinə göndərərək aşağıda qeyd olunan xidmətlərdən yararlanmaq olar.

Bu xidmətlər arasında hesab açmaq, balans artırmaq, balansı öyrənmək, ödəniş etmək, SMS xidmətləri barədə məlumat almaq və s. mövcuddur.

Qeyd edək ki, hazırda SMS xidməti yalnız “Azercell” abunəçiləri üçün mümkündür, lakin tezliklə “Bakcell” və “Nar” abunəçiləri də bu xidmətdən yararlana biləcəklər. İstifadəçilər sistem vasitəsi ilə “Portmanat.az” hesablarında qeydiyyatda olan mobil nömrələri ilə SMS göndərə bilərlər. Bu arada SMS üçün çıxılan məbləğ adi SMS dəyərindədir.

Portmanat gündəlik istifadə edilə biləcək elektron pul qabıdır. Hər bir kəsin internet və ya mobil telefon vasitəsilə gündəlik ödənişləri rahatlıqla həyata keçirməsinə imkan yaradır. Hər hansı operatora aid mobil nömrəsi olan hər bir şəxs sadəcə həmin nömrəsi ilə qeydiyyatdan keçib “Portmanat” elektron pulqabı hesabı yaratma imkanına sahibdir.

Hesab açmadan qeydiyyatsız ödəniş etmək istəyənlər elektron vauçer olaraq fəaliyyət göstərən “Portmanat” Kod (əvvəlki Netmoney) xidmətindən istifadə edə bilərlər. Daha ətraflı məlumatı “http://www.portmanat.az” saytından əldə etmək olar.

Aynur Vəliyeva

Baxış sayı: 1430