12px13px15px17px
Tarix:27/04/15

Pentaqon Silikon vadisində ofis açır

ABŞ Müdafiə Nazirliyi Silikon vadisində ilk ofisini açmağı və vençur investisiyalarının sərmayəsini planlaşdırır.
 
Belə ki, Pentaqon kommersiya şirkətlərinin texnologiyalarına giriş əldə etmək və onlardan qabaqcıl silah və kəşfiyyat sistemlərinin hazırlanmasında istifadə etmək istəyir.
 
Ancaq texnologiya şirkətləri və vençur investorları sözügedən nazirliyin cəhdlərinə qarşı çıxa bilərlər, çünki nazirliyin bürokratiyası onları çoxdan narahat edir.
 
Nazirliyin əməkdaşları bildiriblər ki, onlar Çin daxil olmaqla potensial rəqiblərin müdafiə sahəsindəki imkanlarına görə ABŞ-a yaxınlaşması və hətta sonuncunu ötməsindən narahatdırlar.
 
"ICTnews" elektron xəbər xidməti “vedomosti.ru” saytına istinadən bildirir ki, Pentaqon bir ay ərzində Moffett federal aerodromunun ərazisində ofis açmaq niyyətindədir və orada təxminən 15 nəfər işləyəcək.
 
Avtomobil istehsalçısından tutmuş, banklara kimi yüzlərlə şirkət qabaqcıl texnologiyalara giriş əldə etmək üçün artıq Silikon vadisində ofis açıb. "İndiyədək orada ofisi olmayan yalnız hökumətdir – əvvəllər ABŞ ordusunun tədarükü ilə məşğul olmuş, hazırda “BMNT Partners” vençur şirkətinin idarəedici tərəfdaşı Piter Nyuell deyib”.
 
Xatırladaq ki, Pentaqon 1970-ci illərdə Silikon vadisinin dünyanın texnologiya mərkəzinə çevrilməsində vacib rol oynayıb. Qurum mikroprosessorların yaradılmasını maliyyələşdirib, adıçəkilən mikrosxem ilk öncə yüksək dəqiqlikli silahların yaradılmasında, bundan sonra kütləvi bazar üçün istehsal edilmiş kompüterlərdə istifadə olunub.
 
İndi kommersiya şirkətlərinin “3D” çap, robot texnikası və məlumatların işlənməsi üzrə həlləri ABŞ Müdafiə Nazirliyini maraqlandırır.
 
Emil Hüseynov



Baxış sayı: 564

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024