İNTERNET

Tarix:08/06/11

NATO “anonimus”larla mübarizə aparacaq

NATO kibertəhlükəsizlik üzrə hesabat dərc edib. Sənəddə deyilir ki, təşkilat “Anonimlər” adlanan qrup üzvləri ilə mübarizə aparacaq.
Xatırladaq ki, anonimlər WikiLeaks serverlərin bağlanmasına görə qisas almaq məqsədilə ödəniş sistemlərinə DDoS hücumları təşkil ediblər.
Eyni zamanda anonimlər onlarla mübarizə etməyə hazırlaşan HBGary şirkətinə də hücum ediblər. Hesabatda deyilir ki, “Anonimus” hücumlarını davam etsə, əks-tədbirlər görüləcək: xüsusi agentlər “Anonimus” qrupuna daxil olacaq və günahkarlar cəzalandırılacaq.
Daha sonra, NATO müqaviləyə əsaslanaraq müttəfiq orduların gücündən istifadə edəcəyini söyləyir. Anonymous termini 2 mənada istifadə olunur. İnternet-mem kimi o, çoxsaylı internet istifadəçiləri və ya fəaliyyətini anonim şəkildə aparan hansısa bir məqsədi güdən internet cəmiyyəti mənasını daşıyır. Bundan savayı, termin özlərini “Anonimus” adlandıran, internetdə müxtəlif etiraz və digər aksiyaları təşkil edən, daimi tərkibi və üzvlüyü olmayan internetdən istifadə edən qrup mənasını verir.
Qeyd etmək lazımdır ki, bu ad yuxarıda deyilən internet-memdən irəli gəlir. Adətən elə fikirləşirlər ki, “Anonimus” bir sıra internet sub-cəmiyyətlərin ümumi adıdır. “Anonimus”a aid olan hərəkətlər özlərini büruzə verməyən şəxslər tərəfindən edilir.
“Anonimus”ların nə lideri, nə də onlara rəhbərlik edən partiya var. O, ayrı-ayrı iştirakçıların kollektiv gücünə güvənir. Onların kollektiv şəkildə etdikləri hərəkətlərinin ümumi nəticəsi hamıya xeyir gətirir. “Anonimus”lar sayntoloji kilsəyə hücum etməklə və Pirate Bay torrent-trekerə fəal surətdə dəstək verməklə özünə virtual dünyada ad qazanıb.

Baxış sayı: 2362