İKT

Tarix:06/05/15

Dövlət Komitəsinin göstərdiyi elektron xidmətlər bir müddətlik dayandırılacaq

Əmlak Məsələləri Dövlət Komitəsi (ƏMDK) tərəfindən əhaliyə təqdim olunan elektron xidmətlərdən istifadə bir müddət mümkün olmayacaq. Komitə e-xidmətlərin verilməsini 3 günlük dayandıracaq.

Bu barədə “ICTnews.az”a ƏMDK-nin mətbuat xidmətindən məlumat verilib. Komitədən bildirilib ki, informasiya-kommunikasiya texnologiyaları üzrə server və şəbəkə infrastrukturunda, elektron məlumat bazalarında həyata keçirilən texniki yenidənqurma işləri ilə əlaqədar olaraq ƏMDK-nin fəaliyyət istiqamətləri üzrə göstərdiyi xidmətlər 09.05.2015–11.05.2015 tarixlərində dayandırılacaqdır.

Bu ayın 12-dən etibarən Əmlak Məsələləri Dövlət Komitəsinin xidmətləri tam fəaliyyəti ilə istifadəçilərin ixtiyarında olacaqdır.

SEYMUR

Baxış sayı: 602