İKT

Tarix:07/05/15

Yaxın zamanda “Azərişıq” “Elektron hökumət” portalına qoşulacaq

Tezliklə “Azərişıq” ASC-nin “Enerji haqlarının internet vasitəsilə ödənilməsi”, “İşıq kodunun yeni abunəçinin adına keçirilməsi üçün e-müraciət”, “İstehlakçıların elektrik şəbəkəsinə qoşulması üçün e-müraciət” və “Enerji borcu olmaması barədə elektron arayış” xidmətləri “Elektron hökumət”portalı üzərindən təqdim olunacaq.

“ICTnews” elektron xəbər xidmətinin məlumatına görə, portala inteqrasiya olunacaq bu elektron xidmətlərin adı Rabitə və Yüksək Texnologiyalar Nazirliyinin Məlumat Hesablama Mərkəzində “Azərişıq” ASC-nin nümayəndələrinin də iştirak etdiyi toplantıda müəyyən edilib.

İlkin mərhələdə portalda qeydiyyatdan keçən istifadəçinin FİN-ə görə işıq kodunun avtomatik təyin edilməsi və avtomatik təyin edilmə mümkün olmadıqda abonent kodunun əllə daxil edilməsi imkanlarının yaradılması nəzərdə tutulur.

CAHANGİR

Baxış sayı: 679