Tarix:12/05/15

“Apple” sosial şəbəkə yaradır?

ABŞ-ın “Apple” şirkəti insanları həyat tərzinə uyğun birləşdirməyə yönələn sosial şəbəkə üçün patent hüququ alıb. Bununla bağlı müraciəti ABŞ-ın Ticarət Markaları və Patentlərin Qeydiyyatı Bürosu qeydiyyatdan keçirib.
 
“Həyat tərzinə əsaslanan sosial qruplar” (Lifestyle-Based Social Groups) adlanan patent üçün müraciət 2013-cü ilin noyabrında edilib.
 
Sistem bu şəkildə işləyəcək: istifadəçinin qurğusu onun sahibinin hərəkət istiqamətini və aktivliyi ilə bağlı məlumatları izləyəcək. Bu informasiya əsasında sosial şəbəkə istifadəçiyə onun vərdişlərinə uyğun sosial qruplar yaratmağı və ya daxil olmağı təklif edə biləcək. Beləliklə, “Sosial qruplar” oxşar həyat tərzinə uyğun insanları tapmaq və xüsusiləşmiş sosial şəbəkə yaratmaq üçün kömək məqsədi daşıyır. Bunun nəticəsində qrup üzvləri məlumat mübadiləsi edə və görüşlər yarada biləcəklər.
 
Qruplar istifadəçinin sorğusu olmadan anonim əsasda da yaradıla bilər. Bundan başqa, toplanan məlumatlar qurğuya lazımi tapşırığı əvvəlcədən bilməyə və istifadəçinin aktivliyinə və onun olduğu yerə əsaslanan əlavə funksiyalar yaratmağa imkan verəcək, - "Lenta” yazır.

Baxış sayı: 1236

© İstifadə edilərkən İctnews-a istinad olunmalıdır