İNTERNET

Tarix:13/05/15

Yay kampaniyası çərçivəsində internetin sürəti artırılacaq

İnternet provayder “Ailə NET” may ayının 15-dən minimum internet qoşulmanın sürətini 8 mb/s-ə qaldırır. Bu zaman aylıq abunə haqları dəyişməz qalacaq.

Avqust ayının 15-dək qüvvədə olacaq yay kampaniyasının şərtlərinə əsasən, “Ailə NET” abunəçiləri 5 mbit/s əvəzinə 8 mbit/s-dən 12 mbit/s-dək yüksəksürətli fiber-optik internet xidmətindən istifadə edəcəklər.

“Caspian Telecom”-un Mətbuat xidmətindən qeyd edilib ki, hər gün saat 09:00-dan 01:00-dək abunəçilərə 8 mbit/s, saat 01:00-dan 09:00-dək isə 12 mbit/s sürətli internet xidməti təqdim olunacaq:

“Kampaniyadan həm mövcud, həm də yeni qoşulan abunəçilər faydalana bilərlər. Xüsusi tariflərə əsasən “Ailə” TV abunəçiləri, kampaniya müddəti ərzində təqdim olunacaq 8 - 12 mb/s internetə görə aylıq 13 AZN ödəyəcəklər”.

Analoji olaraq, 6; 8; və 10 mbit/s tarif planlarının abunəçiləri aşağıdakı qaydada sürətli internet xidmətindən istifadə edəcəklər:

6 mbit/s əvəzinə – 9-12 mbit/s

8 mbit/s əvəzinə – 10-12 mbit/s

10 mbit/s əvəzinə – 12-12 mbit/s

Xatırladaq ki, əhatə dairəsini daim genişləndirən “Ailə NET” hal-hazırda Bakı şəhərinin Xətai, Nizami, Nərimanov, Binəqədi, Nəsimi, Suraxanı, o cümlədən Hövsan qəsəbəsi, Sabunçu rayonunun Bakıxanov qəsəbəsi, Səbail rayonun bir hissəsi, eləcə də Gəncə şəhəri, o cümlədən Yeni Gəncə qəsəbəsində fəaliyyət göstərir.

“Caspian Telecom” şirkətinin brendi olan “Ailə NET” internet provayderi 2011-ci ildən fəaliyyət göstərir və Azərbaycanda fiber-optik şəbəkələrin və internet xidmətlərinin inkişafı, genişlənməsi və təkmilləşdirilməsi istiqamətində müxtəlif layihələrin reallaşdırılması işlərini öz üzərinə götürüb.

Həqiqət İSABALAYEVA

Baxış sayı: 749