İKT

Tarix:15/05/15

İnformatika üzrə “X Ümumrespublika Olimpiadası”nın qalibləri mükafatlandırıldı

Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə 17 May - Dünya Telekommunikasiya və İnformasiya Cəmiyyəti Gününə həsr olunan "Ali məktəb tələbələri arasında informatika üzrə X Ümumrespublika Olimpiadası"nın qaliblərinin mükafatlandırılma mərasimi keçirilib.

Qeyd edək ki, olimpiadanın 5 aprel 2015-ci il tarixində Qafqaz Universitetində keçirilmiş ilk mərhələsində Respublikanın 16 ali təhsil müəssisəsindən 55 komanda (hər komandada 3 nəfər) iştirak edib. Bu ildən tətbiq olunan yeni qaydalara əsasən birinci mərhələdə iştirak edən ali təhsil müəssələrinin ən yüksək nəticə göstərən bir komandası (12 ali təhsil müəssisəsindən 12 komanda) olimpiadanın final mərhələsinə vəsiqə qazanıb.

Olimpiadanın final mərhələsi 02.05.2015-ci il tarixində AMEA-nın İnformasiya Texnologiyaları İnstitutunda keçirilib.

Finalda Qafqaz Universitetinin "Qafqaz Programmers" komandası 1-ci, Azərbaycan Texniki Universitetinin "AzTU1" və ADA Universitetinin "ADA U4" komandaları 2-ci, Milli Aviasiya Akademiyasının "NAA50", Azərbaycan Dövlət Neft Akademiyasının "ADNA1" və Bakı Ali Neft Məktəbinin "BHOS1" komandaları isə 3-cü yerə layiq görülüb.

Tədbirdə olimpiadanın qalibləri "HP" və "Nar Mobile" şirkətlərinin qiymətli hədiyyələri və fəxri fərmanlarla təltif edilib.

Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə 17 May - Dünya Telekommunikasiya və İnformasiya Cəmiyyəti Gününə həsr olunan "Ali məktəb tələbələri arasında informatika üzrə Ümumrespublika Olimpiadası"nın 2007-2015-ci illər üzrə qalibləri aşağıdakı cədvəldə qeyd edilib.

İl	Komandalar	Təhsil müəssisəsi	Yer
2015	Qafqaz Programmers AzTU1 ADA U4 NAA50 ADNA1 BHOS1	Qafqaz Universiteti Azərbaycan Texniki Universiteti ADA Universiteti Milli Aviasiya Akademiyası Azərbaycan Dövlət Neft Akademiyası Bakı Ali Neft Məktəbi	I II II III III III
2014	Qafqaz Programmers Baku MSU 1 Qafqaz U 4 Qafqaz U BSU-NET	Qafqaz Universiteti M.V.Lomonosov adına MDU Bakı filialı Qafqaz Universiteti Qafqaz Universiteti Bakı Dövlət Universiteti	I II III IV IV
2013	Qafqaz Programmers Qafqaz U 5 Qafqaz U 3 Qafqaz Şahinləri MSU Programmers Norbet	Qafqaz Universiteti Qafqaz Universiteti Qafqaz Universiteti Qafqaz Universiteti M.V.Lomonosov adına MDU Bakı filialı Bakı Dövlət Universiteti	I II II III III III
2012	Qafqaz Programmers Norbet Baku Qafqaz U 3 Baku Qafqaz U 7	Qafqaz Universiteti Bakı Dövlət Universiteti Qafqaz Universiteti Qafqaz Universiteti	I II III IV
2011	Qafqaz Programmers Baku Qafqaz U 3 Qafqaz Şahinləri Baku Qafqaz U 4 Stream	Qafqaz Universiteti Qafqaz Universiteti Qafqaz Universiteti Qafqaz Universiteti M.V.Lomonosov adına MDU Bakı filialı	I II III III III
2010	autorun.inf LEKER DOOM Qafqaz Şahinləri	Bakı Dövlət Universiteti Azərbaycan Dövlət Neft Akademiyası M.V.Lomonosov adına MDU Bakı filialı Qafqaz Universiteti	I II III IV
2009	Overflow Qafqaz Şahinləri BSU1	Bakı Dövlət Universiteti Qafqaz Universiteti Bakı Dövlət Universiteti	I II III
2008	Qafqaz Şahinləri İNF 14 ENG 1	Qafqaz Universiteti Bakı Dövlət Universiteti Bakı Dövlət Universiteti	I II III
2007	Qafqaz Şahinləri ADNA-1 AzTU-3	Qafqaz Universiteti Azərbaycan Dövlət Neft Akademiyası Azərbaycan Texniki Universiteti	I II III