İKT

Tarix:29/05/15

Bakıda növbəti “DigiGirlz” konfransı keçiriləcək

Bakıda iyunun 4-də Azərbaycan Rabitə və Yüksək Texnologiyalar Nazirliyinin Yüksək Texnologiyalar Parkında “Microsoft Azerbaijan” şirkətinin təşkilatçılığı ilə qadınların informasiya texnologiyaları sahəsində roluna həsr olunmuş “DigiGirlz” konfransı keçiriləcək.

“ICTnews” xəbər xidmətinin məlumatına əsasən, Bakıda keçirilən “DigiGirlz” konfransının əsas məqsədi də məhz Azərbaycanda texnologiya sahəsində fəaliyyət göstərən qadınlara dəstək olmaq, onların inkişafına təkan verməkdir.

Tədbirdə stereotipləri qırmış və qadın üçün qeyri-ənənəvi sayılan texnologiya sahəsində karyera qurmuş mütəxəssis xanımlar iştirak edəcəklər. Həmçinin, tədbirdə mobil tətbiqlər üzrə texniki seminar da keçiriləcək.

“Microsoft” korporasiyasi dünya üzrə qadınları dəstəkləyir və onlara potensiallarını həyata keçirməyə yardım edir.

Konfrans yalnız xanımlar üçün nəzərdə tutulub.

Aynur Vəliyeva

Baxış sayı: 693