NRYTN

Tarix:25/06/15

“Azersky” peykindən Bakı Olimpiya Stadionunun və digər oyun məkanlarının ən son görüntüsü əldə olunub (FOTOLAR)

Bu il Azərbaycan Respublikası öz şanlı tarixinə I Avropa Oyunları adlı bir imza atdı. I Avropa Oyunları vasitəsilə bütün dünya Azərbaycanın qüdrətinin və inkişafının bir daha şahidi oldu. Bakının evsahibliyi etdiyi I Avropa Oyunlarının bitməsinə artıq sayılı günlər qalıb.

Oyunların keçirildiyi müddətdə Bakı Olimpiya Stadionu, Milli Gimnastika Arenası, Mingəçevir Kür İdman və Avarçəkmə mərkəzləri, Avropa Oyunları Parkı, Kristal Zal, Heydər Əliyev adına İdman Arenası, Tofiq Bəhramov adına Respublika stadionu, Atletlər Kəndi, Bakı Su İdman Mərkəzinin"Azərkosmos" ASC-nin operatoru olduğu Yer səthinin məsafədən müşahidə peyki "Azersky" vasitəsilə əldə edilmiş, bu günə olan ən son görüntüsünü sizə təqdim edirik.

Sizə, həmçinin, "Azərkosmos" ASC-nin tərəfdaş şirkəti "Airbus Defence and Space" şirkətinin operatoru olduğu "Pleiades" peykindən əldə olunmuş və Bakı Olimpiya Stadionu inşaat prosesinin müxtəlif mərhələlərini əks etdirən təsvirləri də təqdim edirik. Qeyd edək ki, I Avropa Oyunları zamanı rabitənin davamlılığı və televiziya yayımı "Azərkosmos" ASC-nin operatoru olduğu "Azerspace-1" peykinin resurslarından istifadə etməklə təmin olunmaqdadır.

Oyun məkanlarının şəkillərini bu keçiddən yükləyə bilərsiniz:

Baxış sayı: 2174