12px13px15px17px
Tarix:30/06/15

Beynəlxalq İKT konfransı Rusiya Universitetinin 100 illiyinə həsr olunacaq

Bu il oktyabrın 14-16-da “AICT-2015” beynəlxalq İKT konfransı Rusiyada keçiriləcək.
 
Oktyabrın 14-dən 16-dək keçiriləcək tədbir şimal qonşumuzun Rostov-Don şəhərində təşkil olunacaq informasiya-kommunikasiya texnologiyalarının (İKT) tətbiqi sahəsində ən böyük konfrans-forumlardan hesab olunur.
 
Sayca IX konfrans olan “AICT-2015” Rostov-Don şəhərindəki Cənub Federal Universitetinin 100 illiyinə həsr olunub. “AICT-2015” Cənub Federal Universitetinin təşkilatçılığı, Elektrotexnika və Elektronika Mühəndislər İnstitutunun (ABŞ) texniki dəstəyi ilə keçiriləcək.
 
Bakı, Astana, Daşkənd və Tbilisidə keçirilən əvvəlki konfransların uğurlarına əsaslanaraq, bu il də “AICT-2015” informasiya və kommunikasiya texnologiyaları sahəsində müxtəlif ölkələrin alim, müəllim və tələbələri, tədqiqatçılar, mütəxəssislər arasında yeniliklərin təqdimatı, tədqiqatlar, sınaq və təcrübələrin müzakirəsinin təmin edilməsi üçün xüsusi platformaya çevriləcək.
 
 
Konfrans barəsində ətraflı məlumat “AICT-2015”-in rəsmi saytında  yerləşdirilib.
 
 “AICT-2015” Beynəlxalq konfransı 80-dək mövzunu əhatə edəcək.
 
 
Tədbir “Böyük verilənlərin idarəsi və tətbiqi (Big Data)”, “Verilənlərin əldə olunması (Data Mining) və informasiya mühəndisliyi”, “Kibertəhlükəsizlik problemləri”, “İKT-nin tətbiqində ən son tendensiyalar”, “Kommunikasiyalar, şəbəkələr və avadanlıq”, “İKT biznes, idarəetmə və iqtisadiyyatda”, “İKT dövlət xidmətlərində”, “İKT təhsil, humanitar və sosial tədqiqatlarda”, “İKT tibb və səhiyyədə” bölmələri üzrə aparılacaq.
 
 
SEYMUR



Baxış sayı: 535

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024