12px13px15px17px
Tarix:30/06/15

“Facebook” Afrikada ilk ofisini açıb

“Facebook” şirkəti Afrikada ilk ofisini açıb. Ofis CAR-ın Yohannesburq şəhərində yerləşir. Şirkətin Afrika bölməsinə Nunu Ntşinqila rəhbərlik edəcək və orada 25 nəfər çalışacaq.

"ICTnews" elektron xəbər xidməti “lookatme.ru” saytına istinadən bildirir ki, şirkət əsasən Keniya, Nigeriya və CAR-da iş görəcək. Ofis, həmçinin Seneqal, Kot-d’İvuar, Qana, Tanzaniya, Uqanda, Zambiya, Mozambik və Efiopiyada istifadəçi və elan verənlərlə işləyəcək. Mobil reklam sahəsində elan verənlərlə “Facebook”un münasibətlərinin möhkəmləndirilməsi başlıca istiqamət olacaq. Bu, Afrika ölkələri üçün ən uyğun formatdır, orada “Facebook” istifadəçilərinin 80 faizi sosial şəbəkəyə mobil qurğulardan daxil olur.

2015-ci ildə Afrika ölkələrindən “Facebook” istifadəçilərinin sayı 120 milyon təşkil edib. 2014-cü ilin sentyabrında bu göstərici 20 milyon olub.

Emil Hüseynov



Baxış sayı: 309

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






30 May 2020

29 05 2020