İKT

Tarix:02/07/15

Hindistan hakimiyyəti ölkənin rəqəmləşdirilməsi kampaniyasına başlayıb

Hindistan şirkətləri ölkədə rəqəmli infrastrukturun yaradılmasına 75 milyard dollar məbləğində sərmayə yatırırlar. Bu haqda “Digital India” (Rəqəmli Hindistan) kampaniyasının işə salınması zamanı baş nazir Narendra Modi deyib.

Şirkətlər rəqəmli infrastrukturun yaradılmasına 75 milyard dollar sərmayə yatıracaq – o bildirib. Bundan başqa, reallaşdırılan layihələr Hindistanda 1,8 milyon iş yerinin açılmasına imkan yaradacaq".

"ICTnews" elektron xəbər xidməti “hitech.newsru.ru” saytına istinadən bildirir ki, Hindistanın əhalisinin çox hissəsi, həmçinin 250 min kənd yüksəksürətli internetə çıxış imkanı əldə edəcək.

Hökumət, həmçinin ölkə ərazisində simsiz “Wi-Fi” internetə şərti ödənişsiz giriş nöqtələri quraşdırmağı planlaşdırır. Bu giriş nöqtələri ictimai yerlərdə olacaq. Bundan başqa, dövlət təhsil müəssisələrində tam ödənişsiz giriş nöqtələri quraşdırılacaq.

Emil Hüseynov

Baxış sayı: 571