İNTERNET

Tarix:07/07/15

Alimlər sosial şəbəkələrdəki uğurun sirrini tapıblar

Amerikalı alimlər bəşəriyyətin ən mühüm problemi olan sosial şəbəkələrdə populyarlıq məsələsilə məşğul olmağa qərar veriblər.

"ICTnews" elektron xəbər xidməti “dni.ru” saytına istinadən bildirir ki, amerikalı ekspertlər müxtəlif sosial şəbəkələrdə 25 milyondan çox yazını və onlara qarşı 100 milyondan çox reaksiyanı təhlil edərək postların dərci üçün optimal vaxtı müəyyənləşdiriblər. Alimləri yalnız bir sual maraqlandırıb: nə üçün bəzi məzmun interneti "partladır" və başqa maraqlı məzmun nəzərə çarpmır.

"Bizim gəldiyimiz nəticəyə əsasən, günün müəyyən vaxtı dərc edilmiş yazılar (məsələn, günortadan sonra, həmçinin həftənin müəyyən günləri) daha populyardır. Bu yazılar dostların daha aktiv reaksiyasına səbəb olur. Ancaq əlverişli vaxt yaşadığınız yerdən asılı olaraq cüzi fərqlənir – “Klout” şirkətinin tədqiqat nəticələrinə istinad edən “The Washington Post” nəşri belə yazıb.

Müqayisə üçün Nyu-Yorkda əyləncəli informasiyanı günortaya az qalmış, San-Fransiskoda səhər saat 9-10 radələrində, Londonda günortadan sonrakı ilk saatlarda, Parisdə səhər və günortadan sonra dərc etmək məqsədəuyğundur. Tokioda əlverişli vaxt saat 7-9 radələridir.

Emil Hüseynov

Baxış sayı: 560