İKT

Tarix:07/07/15

Dünya çip bazarında satış həcmi 25 ay ardıcıl yüksəlir

Yarımkeçiricilər Sənayesi Assosiasiyası (“Semiconductor Industry Association”, “SIA”) ayın nəticəsinə görə sahə üzrə vəziyyət haqda növbəti məlumatını dərc edib.

Mütəxəssislərin hesablamalarına əsasən, 2015-ci ilin mayında yarımkeçiricilərin qlobal satış həcmi 28,2 milyard ABŞ dollarına yaxınlaşıb ki, bu da ötən illə müqayisədə 5,1 faiz yüksəkdir.

"ICTnews" elektron xəbər xidməti “dailycomm.ru” saytına istinadən bildirir ki, regional nöqteyi-nəzərdən təhlilə əsasən, Şimali və Latın Amerikası ölkələrində çiplərin satışı nəzərəçarpacaq dərəcədə artıb - illik hesablama üzrə göstəricilər 11,4 faiz yüksəlib.

Həmçinin Çin (+9,5 faiz) və Asiya-Sakit okean regionunda (+8 faiz) artım qeydə alınıb, amma Avropa və Yaponiyada gəlir müvafiq olaraq 7,8 və 11,8 faiz azalıb.

Emil Hüseynov

Baxış sayı: 484