12px13px15px17px
Tarix:12/09/11

2015-ci ilədək planet əhalisinin 40 faizi internetdən istifadə edəcək

“İDC” analitik şirkətinin dərc etdiyi proqnoza əsasən, 2015-ci ilədək ABŞ-da mobil internet istifadəçilərinin sayı kabel internet istifadəçilərinin sayını ötəcək.

Şirkətin hesabatında qeyd olunub ki, hazırda ABŞ-da smartfon satışları adi mobil telefon satışlarını ötüb. Eyni zamanda, qeyd edilib ki, smartfon bazarı yaxın 4 ildə hər il təxminən 16,6% artacaq.

Analitiklər bildiriblər ki, 2015-ci ilədək internet planşetlər mobil bazara təsir göstərəcəklər. Kabel internetinin istifadəçilərinə gəlincə, cari ildə ABŞ-da istifadəçilərin sayı dəyişməyəcək, lakin gələn il bu seqmentdə azalma müşahidə olunacaq.

2010-cu ildə internet istifadəçilərin ümumi sayı 2 milyard olub, halbuki 2015-ci ilədək bu göstərici 2,7 milyarda qədər artacaq. Bu isə planet əhalisinin 40%-i deməkdir.



Baxış sayı: 1425

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Oktyabr 2021

27 10 2021