12px13px15px17px
Tarix:10/07/15

Beşinci nəsil simsiz rabitə sisteminin inkişafı üçün səylər artırılır

İsveçin "Ericsson" şirkəti Avropa İttifaqının (Aİ) beşinci nəsil simsiz rabitə sistemi üçün tövsiyə edilən standartların inkişafı və hazırlanması məqsədi ilə yaradılan "METIS-II" layihəsinin əlaqələndiricisi qismində "5G" sistemlərinin genişlənməsinin təşəbbüskarı kimi çıxış etməkdə davam edir.
 
"METIS-II" layihəsinin vəzifəsi "5G" konsepsiyalarının və tezlik spektrindən istifadəyə dair tövsiyələrin yaradılmasına yönələn "5G Infrastructure Public-Private Partnership" (5G-PPP) layihəsinin iştirakçılarının əsas əməkdaşlıq prinsiplərinin hazırlanmasından ibarət olacaq. Bundan başqa, layihədə aparılan işlər çərçivəsində tənzimləmə və standartlaşdırma orqanları üçün tövsiyələr işlənəcək.
 
Layihə "5G" sahəsində qabaqcıl tədqiqatlar və işləmələr həyata keçirən Çin, Aİ, Yaponiya, Cənubi Koreya və ABŞ-dan 23 iştirakçını birləşdirir. Dünyanın əksər aparıcı istehsalçılarının, rabitə operatorları və tədqiqat təşkilatlarının iştirak etdiyi layihənin maliyyələşdirilməsi Aİ-nin "Horizon 2020" tədqiqat proqramı çərçivəsində həyata keçirilir. Layihənin büdcəsi 8 milyon avro təşkil edir. "METIS II"-nin məqsədi "5G" sahəsində ilk birgə layihə olan "METIS"-in uğurlarını möhkəmləndirmək məqsədi daşıyır.
 
"METIS-II"-nin təşəbbüskarı kimi "Ericsson" beynəlxalq tərəfdaşlarla birgə "5G" sistemi çərçivəsində texnologiyaların inteqrasiyası məsələlərinin həlli və tənzimləmə və standartlaşdırma üçün lazımi platformaların hazırlanması ilə məşğul olacaq.
Bundan başqa, İsveçin telekommunikasiya avadanlığı istehsalçısı "Mobile Radio Access Network for Fifth-Generation Integrated Communications" (mmMAGIC) layihəsinin texniki koordinasiyasını həyata keçirəcək. Layihə çərçivəsində 6-100 QHs diapazonunda işləyən mobil texnologiyaların konsepsiyası hazırlanaraq inkişaf etidiriləcək. 
 
Hər iki layihə mobil rabitə sahəsində ilkin standartların razılaşdırılması üçün böyük əhəmiyyətə malikdir, - "CNews" yazır.
 



Baxış sayı: 639

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024