İNTERNET

Tarix:14/07/15

Bir ildə avropalılar “Google”dan bir milyondan istinad silinməsini xahiş edib

“Google”un hesabatına əsasən, şirkət Avropa İttifaqının vətəndaşına axtarışın nəticələrindən özü haqqında etibarsız və ya köhnə informasiyanı silməyi tələb etmək imkanı verən "Right to be Forgetten" hüququnun tətbiqindən sonra birinci ilin yekunlarını açıqlayıb.

"ICTnews" elektron xəbər xidməti “lenta.ru” saytına istinadən bildirir ki, 29 may 2014-cü ilin tarixindən axtarış sistemi 1 milyondan çox istinadın silinməsi üçün təxminən 282 min sorğu alıb.

Şirkət bu sorğuların 41,3 faizini təmin edib. Sorğuların əksəriyyəti “Facebook”, “profileengine.com”, “YouTube”, “groups.google.com”, “badoo.com” domenləri ilə bağlı olub.

Sorğuların əksəriyyəti Fransa, Almaniya, Böyük Britaniya, İspaniya və İtaliya vətəndaşları tərəfindən verilib. Məsələn, Macarıstandan olan yüksəkvəzifəli məmur onun köhnə məhkumluğu haqda məqaləni axtarış nəticələrindən silməyi tələb edib, lakin şirkət imtina edib. Bu halda “Google” şirkəti 10 il əvvəl cinayətdə ittiham edilmiş müəllimin müvafiq sorğusunu təmin edib.

13 may 2014-cü il tarixində Avropa İttifaqının Ali Məhkəməsi İspaniya vətəndaşının iddiasını dəstəkləyərək “Google”a istifadəçinin sorğusu üzrə fərdi informasiyanın silinməsini təmin etmək göstərişi verib.

Avropa İttifaqının bütün istifadəçiləri "Right to be Forgetten" hüququna yiyələniblər, onlar axtarış sistemlərindən "rəqəmli izi" silməyi tələb edə bilər.

Emil Hüseynov

Baxış sayı: 575