İNTERNET

Tarix:15/07/15

İlk domen adı

Domen adları olmadan internetdə naviqasiya indiki kimi rahat olmazdı. Hazırda 300 milyon domen adı mövcuddur, bu halda hər il domen adlarının sayı artır və ticarət markaları kiberskvotterlərdən müdafiə üçün milyonlarla dollar xərcləyir. Kiberskvotterlər domen adlarını alaraq sonradan onlar; baha satan şəxslərdir. Bu əlverişli biznesdir, bəzi kiberskvotterlər gündə yüz minlərlə dollar qazanır.

"ICTnews" elektron xəbər xidməti “lookatme.ru” saytına istinadən bildirir ki, 1985-ci ildə domen adlarının qeydiyyatı sistemini işə saldıqda şirkətlərin əksəriyyəti bu sistemin əhəmiyyətini anlamırdılar. Əsasən kompüter firmaları öz domen adlarını qeydiyyatdan keçirirdilər. Massaçusets ştatının Kembric şəhərində fəaliyyət göstərən “Symbolics” şirkəti (“Lisp” proqramlaşdırma dilindən istifadə üçün nəzərdə tutulmuş kompüter istehsalçısı) ilk olub. 15 mart tarixində “symbolics.com” domeni qeydiyyatdan keçirilib və başqa texnologiya şirkətləri də belə etməyə başlayıblar, o zaman domen adlarının qeydiyyatı pulsuz idi.

Emil Hüseynov

Baxış sayı: 804